మిరిమిట్లు గొలిపే గెలాక్సీ చిత్రాలను ఒడిసిపట్టిన నాసా

by Harish |   ( Updated:2022-05-10 17:52:38.0  )
మిరిమిట్లు గొలిపే గెలాక్సీ చిత్రాలను ఒడిసిపట్టిన నాసా
X

దిశ, వెబ్‌డెస్క్: త్వరలో హబుల్ టెలిస్కోప్ స్థానాన్ని స్వీకరించనున్న నాసా కొత్త టెలిస్కోప్, పాలపుంతలో మన పొరుగున ఉన్న గెలాక్సీకి చెందిన అద్భుత చిత్రాలను ఒడిసిపట్టింది. ప్రస్తుతం పరీక్షా దశలో ఉన్న జేమ్స్ వెబ్ స్పేస్ టెలిస్కోప్ తీసిన ఈ అరుదైన చిత్రాలను ట్విట్టర్ ద్వారా నాసా షేర్ చేసింది. నాసా మునుపటి ఇన్ఫ్రారెడ్ అబ్జర్వేటరీ స్పిట్జర్ స్పేస్ టెలిస్కోప్ సేకరించిన చిత్రాలతో పోలిస్తే వెబ్ టెలిస్కోప్ తీసిన ఈ తాజా చిత్రాలు అత్యద్భుతమైన ఫలితాలను అందించాయని నాసా తెలిపింది. పరారుణ ఆకాశాన్ని మరింత స్పష్టంగా చూడటానికి అతిపెద్ద అద్దం, మెరుగుపర్చిన డిటెక్టర్లను వెబ్ టెలిస్కోప్ కలిగివుందని పేర్కొంది.


టెలిస్కోప్ లోని మిడ్ ఇన్ఫ్రారెడ్ పరికరం ఎమ్ఐఆర్ఐ తీసిన ఈ చిత్రాలు కార్బన్, హైడ్రోజన్ పరమాణువులతో రూపొందాయని, విశ్వాంతరాళంలోని వాయువులను మరింత బాగా అర్థం చేసుకునేందుకు సైంటస్టులకు తోడ్పడతాయని నాసా తెలిపింది. 2022 జూన్‌ చివరినాటికి హబుల్ టెలిస్కోప్ స్థానంలో జేమ్స్ వెబ్ టెలిస్కోప్‌ని అమర్చనున్నారు. హబుల్ టెలిస్కోప్ కంటే 6 రెట్లు ఎక్కువ వ్యాసార్థం కలిగిన 25 చదరపు మీటర్ల లైట్ కలెక్టింగ్ ఏరియాను కలిగి ఉందని దీనిముందు హబుల్ టెలిస్కోప్ దిగదుడుపే అని నాసా ప్రకటించింది.


Next Story