ఆటోను ఢీ కొట్టిన కారు.. మహిళ మృతి

దిశ, కోదాడ: కారు ఆటో ఢీకొని ఓ మహిళ మృతిచెందగా, మరో ఆరుగురికి గాయాలు అయ్యాయి. ఈ ఘటన సూర్యాపేట జిల్లా అనంతగిరి మండల పరిధిలోని దుర్గాపూర్ క్రాస్ రోడ్ వద్ద గురువారం రాత్రి చోటుచేసుకుంది. పోలీసుల వివరాల ప్రకారం… కోదాడ నుంచి జగ్గయ్యపేట వెళ్తున్న ఆటోను వెనక నుంచి కారు ఢీ కొట్టింది.

ఈ ప్రమాదంలో యాసవరపు మేరీ(40) అక్కడికక్కడే మృతిచెందగా, మరో ఆరుగురికి గాయలు అయ్యాయి. విషయం తెలుసుకున్న పోలీసులు ఘటనా స్థలానికి చేరుకుని, కోదాడ ప్రభుత్వ వైద్యశాలకు తరలించారు. దీనిపై కేసు నమోదు చేసుకుని దర్యాప్తు చేస్తున్నట్టు ఎస్సై రామాంజనేయులు తెలిపారు.