'టెస్టు ప్లేయర్ ఆఫ్ ది ఇయర్‌'గా విలియమ్సన్

దిశ, వెబ్‌డెస్క్: న్యూజిలాండ్ కెప్టెన్ విలియమ్సన్ ఆ దేశ క్రికెట్ వార్షిక అవార్డులలో మరోసారి మెరిశాడు. 2020-21కి సంబంధించిన క్రికెట్ సీజన్ అవార్డుల్లో ప్రతిష్టాత్మక రిచర్డ్ హ్యాడ్లీ మెడల్‌ను మరోసారి గెలుచుకున్నాడు. విలియమ్సన్ ఆ మెడల్‌ను గెలుచుకోవడం ఇది నాలుగోసారి. గతంలో 2016, 2017, 2019లలో ఈ అవార్డు గెలుచుకున్నాడు.

ఇక 2020-21కి సంబంధించి టెస్ట్ ప్లేయర్ ఆఫ్ ది ఇయర్‌గా విలియమ్సన్ నిలిచాడు. కాగా పాకిస్తాన్‌తో జరిగిన నాలుగు టెస్టుల సిరీస్‌లలో విలియమ్సన్ 639 పరుగులు చేశాడు. ఇందులో రెండు డబుల్ సెంచరీలు, ఒక సెంచరీ ఉన్నాయి.