మీ ఒంట్లో రక్తం తక్కువ ఉందా? వీటిని తింటే రక్తం తొందరగా పెరుగుతుంది

ప్రస్తుతం అందరు బిజీ లైఫ్‌ను లీడ్ చేస్తు్న్నారు. దీంతో టైంకి సరైన తిండి తినక.. పోషకాలు లోపించి శరీరంలో రక్తం లెవల్స్ తగ్గిపోతున్నాయి.

మరి శరీరంలో హిమోగ్లొబిన్ చాలా అవసరం. అది తక్కువ అయితే అనేక వ్యాధులకు గురవ్వా్ల్సి వస్తుంది. మరి రక్తం పెంచుకోవాలంటే ఏం తినాలో ఇప్పుడు తెలుసుకుందాం.

తృణధాన్యాల్లో ఫైబర్, ప్రోటీన్స్, విటమిన్స్, ఖనిజాలు, యాంటీఆక్సిడెంట్లు పుష్కలంగా ఉంటాయి. ఇవి జీర్ణక్రియను మెరుగుపరుస్తాయి. అంతేకాకుండా గుండెజబ్బులు, స్ట్రోక్, డయాబెటిస్, ఊబకాయం, క్యాన్సర్ వంటి ప్రమదాల భారిన పడకుండా మనల్నీ రక్షిస్తాయి. ఉదాహరణకు ఓట్ మీల్, గోధుమల్లో ఐరన్ అధికంగా ఉంటుంది.

డార్క్ చాక్లెట్‌లో మంచి కొవ్వులు, మాంగనీస్, పొటాషియం, ఫాస్పరస్, మెగ్నీషియం, జింక్, సెలీనియం మొదలైనవి ఉంటాయి. ఇది శరీరానికి ఎంతో ఉపయోగపడుతుంది. 100 గ్రాముల డార్క్ చాక్లెట్‌లో 6.32 మిల్లీగ్రాముల ఐరన్ ఉంటుంది. భోజనం తర్వాత కొద్దిగా డార్క్ చాక్లెట్‌ను తినడం మంచిదేనట. అయితే.. ఇందులో కూడా కేలరీలు ఉంటాయి కాబట్టి అతిగా తినకూడదు

వేరుశెనగ, పెసరపప్పు, కాయధాన్యాలు, సోయాబీన్స్‌లతో వంటి వాటిలో ఇనుము పుష్కలంగా ఉంటుంది. అంతే కాకుండా చిక్కుళ్లలో ప్రోటీన్, ఫైబర్, బి-కాంప్లెక్స్ విటమిన్లు, కాల్షియం, పొటాషియం, జింక్ కూడా ఉంటాయి. వీటిని తినడం వల్ల గుండె సమస్యలు, డయాబెటిస్, అధిక రక్తపోటు వంటి సమస్యలకు దూరంగా ఉంటారు.

నువ్వులు, గుమ్మడికాయ గింజలు, అవిసె గింజల్లో ఐరన్ కంటెంట్‌తో పాటు.. కేలరీలు, మంచి కొవ్వులు, విటమిన్ ఎ, ఫోలేట్, కాల్షియం, పొటాషియం, మెగ్నీషియం, వివిధ ఫైటోస్టెరాల్స్ పుష్కలంగా ఉంటాయి. ఇవి ఆరోగ్యానికి ఎంతో మేలు చేస్తాయి.

పిస్తా, జీడిపప్పు, బాదం వంటి వాటిలో ఇనుము, ప్రోటీన్లు, మంచి కొవ్వులతో పాటు ఇతర విటమిన్లు, ఖనిజాలు పుష్కలంగా ఉంటాయి. ఇది క్యాన్సర్, గుండె జబ్బుల ప్రమాదాన్ని తగ్గిస్తుంది. అలాగే బరువు నుంచి కూడా ఉపసమనం కలిగిస్తాయి.

ఎండుద్రాక్ష, అంజీర వంటి డ్రై ఫ్రూట్స్‌ను రోజూ తీసుకోవడం వల్ల ఐరన్ లోపం పోతుంది. ఎండు ద్రాక్ష జీర్ణక్రియకు సహాయపడుతుంది. అలాగే శరీరంలో కొలెస్ట్రాల్ స్థాయిలు కూడా తగ్గుతాయి. ఎండుద్రాక్ష ఎముకలను బలోపేతం చేయడానికి కూడా బాగా సహాయపడుతుంది. యాంటీఆక్సిడెంట్లతో సమృద్ధిగా ఉండే అంజీర పండ్లు కళ్లు, చర్మం ఆరోగ్యాన్ని మెరుగుపరుస్తాయి.