జీవితాన్ని ఒక్కసారిగా మార్చే పువ్వు పేరేంటో తెలుసా?

దేవునికి పూజలు చేసేటప్పుడు అనేక రకాల పువ్వులతో పూజిస్తారు. కొంత మంది దేవుళ్లకు కొన్ని ప్రత్యేకమైన పువ్వులను మాత్రమే ఉపయోగిస్తారు.

అయితే ముఖ్యంగా కదంబ పుష్పాలతో పూజిస్తే జీవితంలో ఉండే కష్టాలన్నీ తొలగిపోవడంతో పాటు సిరి సంపదలు కలిగి జీవన శైలిలో ఊహించని మార్పులు జరుగుతాయట.

జ్యోతిషశాస్త్రం ప్రకారం కదంబ పువ్వును శ్రీ కృష్ణ భగవానుడికి చాలా ఇష్టం. దానికి ఎందుకంత ప్రత్యేకత ఉందంటే కదంబ వృక్షంపై కూర్చొని వేణువును వాయించేవాడట.

శ్రీ కృష్ణ భగవానుని అనుగ్రహం పొందాలనుకుంటే, ఆయనకు కదంబ పుష్పాన్ని సమర్పించడం వల్ల కుటుంబంలో సుఖ సంతోషాలు నెలకొని శుభాలు వింటారు.

కదంబ పుష్పాలు సమర్పించి పూజ చేయడం వల్ల వ్యాపార, విద్య, ఉద్యోగాలలో మీరు అనుకున్నది నెరవేరడంతో పాటు ఉన్నత స్థాయికి చేరుకుంటారు.

ఈ పుష్పాన్ని ఇంటి ప్రధాన ద్వారంపై ఉంచితే, అది ఇంట్లో ఉన్న రాహువు దుష్ప్రభావాలను తగ్గిస్తుంది.

కదంబ పువ్వును మీ ఇంటి పూజ గదిలో లేదా డబ్బులు దాచుకునే సమీపంలో ఉంచితే ఆర్థిక ఇబ్బందులు తొలగిపోతాయి. అలాగే సంపదలో ఎల్లప్పుడూ పెరిగి అప్పుల బారి నుంచి బయటపడే అవకాశం ఉంది.

అలాగే భార్యాభర్తలు కలిసి శ్రీకృష్ణుడు, రాధలకు కదంబ పుష్పాలను సమర్పించడం వల్ల వైవాహిక జీవితం కలతలు లేకుండా సంతోషంగా సాగుతుంది.