కోవిడ్ రూల్స్ ఉల్లంఘించిన కోహ్లీ, పాండ్యా?
దిశ, స్పోర్ట్స్ : న్యూ ఇయర్ సందర్భంగా రోహిత్ శర్మ, మరో నలుగురు క్రికెటర్లు బయోబబుల్ నుంచి బయటకు వెళ్లి రెస్టారెంట్‌లో భోజనం చేసిన వివాదం రగులుతుండగానే మరో ఘటన తెరపైకి వచ్చింది. కెప్టెన్ విరాట్ కోహ్లీ, హార్దిక్ పాండ్యా గత డిసెంబర్ 7న బయోబబుల్ నుంచి బయటకు వెళ్లినట్లు తెలుస్తున్నది. వన్డే సిరీస్ డిసెంబర్ 8న సిడ్నీలో ముగిసింది. చివరి మ్యాచ్ ముందు రోజు హార్దిక్, కోహ్లీ సిడ్నీలోని ‘బేబీ విలేజ్’ అనే షాప్‌కు వెళ్లారు.
అనుష్క గర్భంతో ఉన్నది.. ఈ నెలలో కోహ్లీ, అనుష్క తమ తొలి సంతానాన్ని ప్రసవించే అవకాశం ఉన్నది. దీంతో డసెంబర్ 7న సహచరుడితో కలసి బేబీ షాప్‌కు వెళ్లి సంచినిండా పలు వస్తువులను కొనుగోలు చేసినట్లు తెలుస్తున్నది. ఈ విషయాన్ని స్వయంగా బేబీ విలేజ్ షాప్ తమ ఇన్‌స్టాగ్రామ్ ఖాతాలో వెల్లడించింది. వారిద్దరూ కనీసం మాస్కులు కూడా దరించకుండా సిబ్బందితో ఫొటోలు దిగారు. ఇది కచ్చితంగా క్రికెట్ ఆస్ట్రేలియా నిర్దేశించిన కోవిడ్ నిబందనల ఉల్లంఘనే అనే ఆరోపణలు వస్తున్నాయి.
