మహేశ్ కథే.. ఆహా సిరీస్!

దిశ, వెబ్‌డెస్క్: దర్శకుడు వంశీ పైడిపల్లి ‘ఆహా’ కోసం ఓ వెబ్ సిరీస్ డైరెక్టర్ చేస్తున్న విషయం తెలిసిందే. ఈ మధ్య జరిగిన ‘ఆహా’ ఈవెంట్‌లో అందుకు సంబంధించిన న్యూస్ రివీల్ కాగా.. అసలు సిరీస్ కథేంటి? అనేది ప్రస్తుతం జరుగుతున్న చర్చ. ‘మున్నా, బృందావనం, ఎవడు, ఊపిరి’ లాంటి సూపర్ హిట్ సినిమాలు అందించిన పైడిపల్లి.. సూపర్ స్టార్ మహేశ్ బాబుతో చేసిన ‘మహర్షి’తో బ్లాక్ బస్టర్ అందుకున్నారు. ఆ తర్వాత మళ్లీ ప్రిన్స్‌తోనే సినిమా చేయాలనుకున్నా, కథ నచ్చకపోవడంతో ఆ ప్రాజెక్ట్ పట్టాలెక్కలేదు. మొత్తానికి మహేశ్, పైడిపల్లికి కాకుండా పరశురాంకు గ్రీన్ సిగ్నల్ ఇచ్చేసి.. ‘సర్కార్ వారి పాట’ను తన నెక్స్ట్‌ మూవీగా‌ ప్రకటించేశాడు.

దీంతో ‘ఆహా’ క్రియేటివ్ అడ్వైజర్‌గా పనిచేస్తున్న ఈ డైరెక్టర్.. మహేశ్‌కు చెప్పిన కథకే మార్పులు చేసి వెబ్ సిరీస్‌ కోసం పర్‌ఫెక్ట్ స్క్రిప్ట్ తయారు చేసుకున్నాడని సమాచారం. మాఫియా బ్యాక్ డ్రాప్‌లో క్రైమ్ థ్రిల్లర్‌గా తెరకెక్కుతున్న సిరీస్ బోల్డ్‌గా ఉండనుందని తెలుస్తోంది. దీంతో వెబ్ సిరీస్‌పై భారీ ఎక్స్‌పెక్టేషన్స్ క్రియేట్ కాగా, త్వరలోనే కాస్ట్ అండ్ క్రూ గురించి ప్రకటన విడుదలయ్యే అవకాశం ఉందని టాక్.