ఖమ్మంలో రెండు కరోనా కేసులు

దిశ‌, పాలేరు : ఖ‌మ్మం జిల్లా నేలకొండపల్లి మండల కేంద్రంలో మరో కరోనా పాజిటివ్ కేసు న‌మోదైంది. ఇటీవలే వైద్యం కోసం హైదరాబాద్ వెళ్ళొచ్చిన ఓ జంటకు ప్రైవేట్ డయాగ్నోస్టిక్ ల్యాబ్‌లో నిర్వహించిన టెస్టుల్లో పాజిటివ్ తేలింది. విషయం తెలుసుకున్న మండల అధికారులు ఆ ప్రాంతాన్ని కంటోన్మెంట్‌ జోన్‌గా ప్ర‌క‌టించారు.

కానిస్టేబుల్‌కు కరోనా..

హైదరాబాద్‌లో విధులు నిర్వ‌హిస్తున్న ఓ కానిస్టేబుల్‌‌కు క‌రోనా పాజిటివ్‌ వచ్చింది. అత‌డి స్వ‌స్థ‌లం ఖ‌మ్మం జిల్లా ఎర్రుపాలెం మండలం చొప్పకట్ల పాలెం. అతను ఇటీవ‌ల హైద‌రాబాద్ నుంచి గ్రామానికి వ‌చ్చి వెళ్లాడు.విషయం తెలుసుకున్న అధికారులు అప్ర‌మ‌త్త‌మై అత‌డితో సన్నిహితంగా ఉన్న గ్రామస్థులు, కుటుంబాన్ని హోం క్వారంటైన్ చేశారు.