‘‘పవన్ అన్నయ్య ఆశీస్సులు ఉంటాయి’’
‘‘యంగ్ హీరో నితిన్‌కు వాళ్ల అన్నయ్య పవన్ కళ్యాణ్ ఆశీస్సు ఎప్పుడూ ఉంటాయని’’ స్టార్ డైరెక్టర్ త్రివిక్రమ్ శ్రీనివాస్ అన్నారు. నితిన్ హీరోగా రష్మిక కథానాయికగా ‘‘ఛలో’’ సినిమా డైరెక్టర్ వెంకీ కుడుముల కాంబినేషన్‌లో తెరకెక్కుతున్న చిత్రం ‘భీష్మ’. సోమవారం రాత్రి ఈ సినిమా ప్రీ రిలీజ్ ఈవెంట్‌ను ఎంతో వైభవంగా నిర్వహించారు. ఈ కార్యక్రమానికి ముఖ్య అతిథిగా హాజరైన మాటల మాంత్రికుడు త్రివిక్రమ్ శ్రీనివాస్ ఈ సినిమా ఖచ్చితంగా పెద్ద హిట్ కాబోతుంది అని అన్నారు. ఇంకా ఆయన మాట్లాడుతూ.. ఈ సినిమాకు పనిచేసిన ప్రతి ఒక్కరికీ అభినందనలు తెలియజేస్తున్నాను. ఎందుకంటే ఈ సినిమా అల్రెడీ నేను చూశాను. సినిమా చాలా బాగుంది. అందరూ చాలా బాగా ఎంజాయ్ చేస్తారని, నేను ఎంతో నమ్మకంగా చెబుతున్నాను. హీరోయిన్ రష్మిక మంచి సక్సెస్ వేవ్‌లో ఉంది. ‘సరిలేరు నీకెవ్వరు’ ఆ తర్వాత ‘భీష్మ’.. అదే సక్సెస్ కంటిన్యూ చేయాలి. నీకు మరెన్నో విజయాలు రావాలి. బెంగళూరు నుంచి ఇక్కడకు 50 నిమిషాలే ప్రయాణం. సో.. వర్రీ అవ్వవద్దు. మీరెప్పుడు మాకు దగ్గరగానే ఉంటారు. ఆల్ ద బెస్ట్. ఈ సినిమాలో నాకు బాగా నచ్చిన అంశాలు సెకండాఫ్‌లో రెండున్నాయని వాటిని అభిమానులు బాగా ఎంజాయ్ చేస్తారని దీమా వ్యక్తం చేశారు. కాగా ఫిబ్రవరి 21న ఈ చిత్రం ప్రేక్షకుల ముందుకు రాబోతోంది.
