టమోటా లారీ దోపిడీ, పారిపోతూ ప్రమాదం..!
దిశ, వెబ్డెస్క్: డ్రైవర్ను కత్తితో బెదిరించి, టమోటా లోడ్ లారీ తీసుకుని పరారయ్యారు గుర్తు తెలియని దుండగులు. అనంతరం పారిపోతుండగా లారీ పల్టీలు కొట్టడంతో దానిని అక్కడే వదిలిపోయారు. ఈ ఘటన చిత్తూరు జిల్లాలో చోటు చేసుకుంది.
వివరాల్లోకి వెళ్తే.. రొంపిచెర్లకు చెందిన వేణుగోపాల్ లారీలో టమోటా లోడుతో చెన్నైలోని కోయంబెడు మార్కెట్కు వెళ్తున్నారు. పలమనేరు రోడ్డులో ఆర్టీవో అధికారులు అంటూ ముగ్గురు దుండగులు లారీని అడ్డగించారు. కత్తులతో బెదిరించి డ్రైవర్ వేణును దించి టమోటా లోడుతో సహా పరారయ్యారు. దుండగులు పారిపోయే క్రమంలో వేగంగా నడపడంతో లారీ అదుపుతప్పి పల్టీలు కొట్టింది. దీంతో దొంగలు అక్కడి నుంచి పరారయ్యారు.
వేణు ఫిర్యాదు మేరకు లారీ అచూకీ కనుగొనే యత్నంలో పోలీసులకు టమోటా లారీ బోల్తా కొట్టిందని తెలిసింది. ఘటనాస్థలికి చేరుకున్న పోలీసులు కేసు నమోదు చేసి ముగ్గురు దొంగల కోసం గాలింపు చర్యలు చేపట్టారు. కాగా, లారీతో పాటు సరుకు నాశనం అయిందని వేణుగోపాల్ ఆవేదన వ్యక్తం చేశారు.
Read Also…
