కోతి ఆకారంలో వింత జంతువు..

దిశ.తాండూరు: విచిత్రాకారంతో ఉన్న ఓ వింత జంతువుకు జ‌న్మనిచ్చింది. ఈ అరుదైన సంఘ‌ట‌న వికారాబాద్ జిల్లా తాండూరు నియోజ‌క‌వ‌ర్గం పెద్దేముల్ మండ‌లంలో చోటు చేసుకుంది. వివ‌రాల్లోకి వెళితే పెద్దేముల్ మండ‌లం ఇందూరు జైరాం తాండ గ్రామానికి చెందిన పరశురామ్ నాయ‌క్ వ్యవసాయం చేసుకుంటూ నాలుగు మేకలు నడుపుకుంటున్నాడు. అయితే మంగళవారం ఉదయం ఓ మేక ప్రస‌వించింది. జ‌న్మించిన మేక పిల్ల కొంచెం కోతి, కొంచెం మేక ఆకారంతో కొత్త వింత జంతువును పోలి ఉంది.

ఈ విషయం తెలుసుకున్న చుట్టు ప్రక్కల గ్రామస్తులు ఆ వింత జంతువును చూడటానికి ఎగబడ్డారు. ఇటీవ‌ల‌ బషీరాబాద్ మండ‌లం జీవ‌న్గీలో రెండు తలాల గేదె దూడ జ‌న్మించ‌న సంఘటన మరవకముందే తాజాగా జైరం తాండాలో వింత జంతువు జ‌న్మించ‌డంతో ప్రజలు ఆశ్చర్యం వ్యక్తం చేస్తున్నారు.