ఇండ్ల పంపిణీ కార్యక్రమంలో ఉద్రిక్తత

దిశ,వెబ్‌డెస్క్: నెల్లూరు జిల్లా వింజమూరులో సోమవారం చేపట్టిన ఇండ్ల పంపిణీ కార్యక్రమంలో ఉద్రిక్తత నెలకొంది. ఇండ్లు ఉన్నవారికే మళ్లీ ఇండ్లను ఇస్తున్నారని స్థానికులు ఆందోళన చేపట్టారు. సొంత ఇల్లు లేని తమకు న్యాయం చేయాలని స్థానికులు డిమాండ్ చేశారు. ఎమ్మెల్యే ముందే అధికారులతో స్థానికుల వాగ్వాదానికి దిగారు. దీంతో అధికారుల తీరుపై ఎమ్మెల్యే మేకపాటి చంద్రశేఖర్ తీవ్ర అసహనం వ్యక్తం చేశారు. కాగా పరిస్థితి ఉద్రిక్తంగా మారడంతో పోలీసులు రంగ ప్రవేశం చేశారు. ఆందోళనకారులను పోలీసులు స్టేషన్‌కు తరలించారు.