ముఖ్యమంత్రి కేసీఆర్ నిజమైన హిందువు: ఎమ్మెల్యే కిషోర్

దిశ, యాదగిరిగుట్ట/తుంగతుర్తి: తుంగతుర్తి టీఆర్ఎస్ ఎమ్మెల్యే గాదరి కిషోర్ సోమవారం యాదాద్రి లక్ష్మీ నరసింహ స్వామిని దర్శించుకున్నారు. ఈ సందర్భంగా స్వామివారికి తుంగతుర్తి నియోజకవర్గం తరుపున, మరియ తమ కుటుంబం తరుపున ఒక కిలో 500 గ్రాముల 8 తులాలు(మొత్తం158 తులాలు) బంగారాన్ని ఆలయ ఈవో గీతకు అందజేశారు. ఈ సందర్భంగా ఆయన మాట్లాడుతూ.. ముఖ్యమంత్రి కేసీఆర్ గొప్ప సంకల్పంతో ప్రపంచంలో ఎవరూ సాహసం చేయని విధంగా యాదాద్రి ఆలయాన్ని మహాద్భుతంగా నిర్మించారని అన్నారు. గత ప్రభుత్వాలు ఆలయాలను ఆదాయ వనరులుగా మాత్రమే చూశాయని అన్నారు. నిజమైన హిందువుగా ప్రపంచంలో ఇప్పటివరకు ఎవరూ చేయని అయితచండీ యాగాన్ని నిర్వహించి, తెలంగాణను సుభిక్షం చేసిన మహనీయుడు ముఖ్యమంత్రి కేసీఆర్ అని వ్యాఖ్యానించారు. గత పాలకులు దేవాలయాల అభివృద్ధిని దెబ్బతీశారని, ఆలయాల అభివృద్ధికి ఒక్క పైసా కూడా కేటాయించలేని వెల్లడించారు. ఈ కార్యక్రమంలో జెడ్పీ చైర్ పర్సన్ గజ్జ దీపిక, జిల్లా పార్టీ అధ్యక్షుడు రామకృష్ణారెడ్డి, ధర్మేందర్ రెడ్డి, ఆయిల్ఫెడ్ చైర్మన్ రామకృష్ణా రెడ్డి, పార్టీ రాష్ట్ర నాయకులు ధర్మేందర్ రెడ్డి, మదర్ డైరీ డైరెక్టర్ లక్ష్మీ నరసింహ రెడ్డి, రజాక్, సీతయ్య, సైదులు, దామోదర్ రెడ్డి, వీరప్రసాద్, లక్ష్మి నరసయ్య, రఘునందన్ రెడ్డి, అంబయ్య తదితరులు పాల్గొన్నారు.