Nikhil Siddhartha: పది నిమిషాలకు ఓ ట్విస్ట్ ఉంటుంది.. హైప్ పెంచుతున్న నిఖిల్ కామెంట్స్

దిశ, సినిమా: టాలీవుడ్ యంగ్ హీరో నిఖిల్ సిద్ధార్థ్(Nikhil Siddhartha)ఇటీవల ‘కార్తికేయ-2’ సినిమాతో బ్లాక్ బస్టర్ హిట్ అందుకున్నారు. ప్రజెంట్ కార్తికేయ-3(Kartikeya-3), స్వయంభు, అప్పుడో ఇప్పుడో ఎప్పుడో వంటి చిత్రాలతో ప్రేక్షకుల ముందుకు రాబోతున్నారు. అయితే ‘అప్పుడో ఇప్పుడో ఎప్పుడో’(Appudo Ippudo Eppudo) మూవీ షూటింగ్ పూర్తి అయి నవంబర్ 8న విడుదలకు సిద్ధమైంది. కానీ మూవీ టీమ్ మాత్రం ప్రమోషన్స్ స్టార్ట్ చేయలేదు. రిలీజ్‌కు ఇంకా నాలుగు రోజులే ఉన్నా చిత్రబృందం సైలెంట్‌గా ఉండటంతో వాయిదా పడే చాన్స్ ఉన్నట్లు తెలుస్తోంది.

ఇదిలా ఉంటే.. తాజాగా, ఓ ఇంటర్వ్యూలో పాల్గొన్న నిఖిల్ ఆసక్తికర కామెంట్స్ చేశారు. ‘‘స్వామిరారా’ సినిమాలో మిస్ అయిన ప్రేమికుడిని ‘అప్పుడో ఇప్పుడో ఎప్పుడో’(Appudo Ippudo Eppudo) లో చూస్తారు. ప్రేక్షకులు మరో ప్రపంచంలోకి వెళ్తారు. ఈ మూవీలో ప్రతి పది నిమిషాలకు ఒక ట్విస్ట్ ఉంటుంది. క్లైమాక్స్‌లో ట్విస్ట్‌ను ఎవరూ ఊహించలేరు. ఈ కంటెంట్‌పై పూర్తి నమ్మకంతో ఈ మాటలు చెబుతున్నా.

‘అప్పుడో ఇప్పుడో ఎప్పుడో’(Appudo Ippudo Eppudo) షూట్ ఎప్పుడు చేశాను అని అందరిలో సందేహం ఉంది. అయితే ప్రజెంట్ నేను నటిస్తున్న సినిమా మధ్యలో ఒక షెడ్యూల్ బ్రేక్ రావడంతో దీనిని తెరకెక్కించాము’’ అని చెప్పుకొచ్చారు. ప్రజెంట్ నిఖిల్ కామెంట్స్ మూవీపై హైప్ పెంచుతున్నాయి. ఇక ఈ విషయం తెలుసుకున్న వారంతా ఆ ట్విస్ట్ కోసమైనా ‘అప్పుడో ఇప్పుడో ఎప్పుడో’ చూడాలని ఆసక్తి చూపిస్తున్నారు.

Read more ...

Nikhil Siddharth: ‘అప్పుడో ఇప్పుడో ఎప్పుడో’ సినిమా నుంచి ట్రైలర్ రిలీజ్..!!