Prabhas-Spirit: ‘స్పిరిట్’ షూటింగ్ అప్డేట్ ఇచ్చిన నిర్మాత.. ఖుషీలో డార్లింగ్ ఫ్యాన్స్
దిశ, సినిమా: పాన్ ఇండియా స్టార్ ప్రభాస్(Prabhas) వరుస సినిమాలతో దూసుకుపోతున్నారు. ఇటీవల ఆయన నటించిన ‘కల్కిఏడి2898’(KalkiAD2898) మూవీ బ్లాక్ బస్టర్ హిట్ అవడంతో అదే ఫామ్‌తో ఉన్నారు. ప్రజెంట్ కల్కి-2, సలార్-2, రాజా సాబ్(Raja Saab), ఫౌజి, స్పిరిట్ వంటి చిత్రాలతో ఫుల్ బిజీ బిజీగా గడుపుతున్నారు. అయితే ‘స్పిరిట్’(spirit) సందీప్ రెడ్డి వంగా(Sandeep Reddy Vanga) దర్శకత్వంలో రాబోతుండటంతో ప్రేక్షకుల్లో భారీ అంచనాలు నెలకొన్నాయి. అలాగే ఇందులో ప్రభాస్ పోలీస్ ఆఫీసర్‌గా నటించబోతున్నట్లు టాక్.
ఇటీవల దీనికి సంబంధించిన మ్యూజిక్ పనులు కూడా మొదలయ్యాయి. ఈ విషయాన్ని సంగీత దర్శకుడు హర్షవర్ధన్(Harshavardhan) సోషల్ మీడియా ద్వారా వెల్లడించారు. ఈ క్రమంలో.. తాజాగా, ఈ సినిమాకు నిర్మాతగా వ్యవహరిస్తున్న భూషణ్‌కుమార్(Bhushan Kumar) ఓ మూవీ ప్రమోషన్స్‌లో భాగంగా ‘స్పిరిట్’పై ఆసక్తికర కామెంట్స్ చేశారు. ‘‘మేము ప్రస్తుతం ‘స్పిరిట్’ సినిమా పనుల్లో చాలా బిజీగా ఉన్నాము. అందులోని నటీనటుల ఎంపిక ఇంకా ఖరారు కాలేదు.
కానీ త్వరలోనే ఆ ప్రక్రియ ప్రారంభిస్తాం. దీని తర్వాత షూటింగ్ పనులు మొదలు పెడతాం. డిసెంబర్ చివరిలో చిత్రీకరణ మొదలు పెట్టేందుకు ప్రణాళికలు సిద్ధం చేస్తున్నాము. ఆ తర్వాత ఆరు నెలల గ్యాప్ ఉంటుంది. వెంటనే సందీప్ వంగా ‘యానిమల్ పార్క్’ (Animal Part-2)ను మొదలు పెడతారు’’ అని చెప్పుకొచ్చారు. ప్రజెంట్ నిర్మాత కామెంట్స్ సోషల్ మీడియాలో వైరల్‌గా మారాయి. ఇక ఈ విషయం తెలుసుకున్న అభిమానులు వరుస అప్డేట్స్ వస్తాయని అభిప్రాయపడుతున్నారు.
