Akhanda 2 : పాన్ ఇండియాగా ‘అఖండ 2’.. చెప్పినట్టే పోస్టర్ రిలీజ్ చేసిన మూవీ మేకర్స్
దిశ, వెబ్ డెస్క్ : బాలకృష్ణ – బోయపాటి శ్రీను కాంబినేషన్ లో సినిమా వస్తుందంటే అది పక్కా హిట్ అవ్వాల్సిందే. ఇప్పటికే వీరి కాంబోలో వచ్చిన సింహ, లెజెండ్, అఖండ.. మూడు సినిమాలు కూడా బ్లాక్ బస్టర్ అయ్యాయి. ఆ మూడు సినిమాలతో తెలుగు సినీ ఇండస్ట్రీ లో హ్యాట్రిక్ హిట్ కొట్టి రికార్డు క్రియోట్ చేసారు.
అయితే, అఖండ మూవీ తర్వాత అఖండ 2 ఉంటుందని ప్రకటించారు. దసరా రోజు చెప్పినట్టే అఖండ 2 మూవీని ఈ రోజు అనౌన్స్ చేసారు. బాలయ్య – బోయపాటి కాంబోలో నాలుగో మూవీగా అఖండ 2 మూవీ రాబోతుంది. 14 రీల్స్ ఎంటర్టైన్మెంట్ రామ్ ఆచంట – గోపీచంద్ ఆచంట నిర్మాతలుగా వ్యవహరించనున్నారు. తాజాగా, టైటిల్ ప్రకటిస్తూ ఈ మూవీ పోస్టర్ ను విడుదల చేసారు.
ఈ రోజు అఖండ 2 సినిమా పూజా కార్యక్రమం జరగబోతుంది. త్వరలోనే ఈ సినిమా రెగ్యులర్ షూటింగ్ జరగనుంది. అయితే, ఈసారి అఖండ 2ని పాన్ ఇండియాగా విడుదల చేయనున్నారు. బాలయ్య సినీ కెరీర్ లో మొదటి పాన్ ఇండియా మూవీ ఇదే రానుంది. దీనిపై రియాక్ట్ అయిన నందమూరి అభిమానులు సంతోషం వ్యక్తం చేస్తున్నారు.
