Nithiin: నితిన్ ‘తమ్ముడు’ మూవీ నుంచి పవర్ ఫుల్ అప్డేట్‌కు ముహూర్తం ఫిక్స్
దిశ, సినిమా: టాలీవుడ్ యంగ్ హీరో నితిన్(Nithin) ‘ఎక్ట్రార్డినరీ మ్యాన్’ సినిమాతో ప్రేక్షకుల ముందుకు వచ్చి డిజాస్టర్‌ను తన ఖాతాలో వేసుకున్నారు. ఆ తర్వాత కొంత కాలం గ్యాప్ తీసుకున్న నితిన్ రాబిన్‌హుడ్(Robinhood), తమ్ముడు(Thammudu) చిత్రాలతో ప్రేక్షకుల ముందుకు రాబోతున్నారు. అయితే తమ్ముడు సినిమాకు వేణు శ్రీరామ్(Venu Sriram) దర్శకత్వం వహిస్తున్నారు. పవర్ స్టార్ పవన్ కల్యాణ్ సినిమా టైటిల్‌తో రాబోతున్న ఈ మూవీని శ్రీ వెంకటేశ్వర క్రియేషన్స్(Sri Venkateswara Creations) బ్యానర్స్‌పై దిల్ రాజు(Dil Raju) నిర్మిస్తున్నారు. అయితే ఈ సినిమాకు సంబంధించిన ఫస్ట్ లుక్ విడుదలై మంచి రెస్పాన్స్‌ను దక్కించుకుంది. ఆ తర్వాత నుంచి ‘తమ్ముడు’ ఎలాంటి అప్డేట్స్ రాలేదు. దీంతో నితిన్ ఫ్యాన్స్ ఎప్పుడెప్పుడు వస్తాయా అని ఎంతో ఆసక్తిగా ఎదురుచూస్తున్నారు.
ఈ క్రమంలో.. తాజాగా, శ్రీ వెంకటేశ్వర క్రియేషన్స్ వారు మూవీ పేరు మెన్షన్ చేయకుండా పవర్ ఫుల్ అప్డేట్ రాబోతున్నట్లు ఇన్‌స్టాగ్రామ్ ద్వారా ఓ పోస్ట్ పెట్టారు. ‘‘అన్నలు, చెల్లెలు.. రెడీగా ఉండండి. ఒక పవర్ ఫుల్(Powerful), స్పెషల్ అప్డేట్ ఆన్‌ ది వే. సోమవారం సాయంత్రం 4 గంటల 5 నిమిషాలకు రాబోతుంది’’ అని రాసుకొచ్చారు. ప్రజెంట్ ఈ పోస్ట్ సోషల్ మీడియాలో వైరల్ అవుతుండగా.. అది చూసిన వారంతా ‘తమ్ముడు’(Thammudu) సినిమా గురించే అని అంటున్నారు. పవర్ స్టార్ మూవీ పేరు కాబట్టి పవర్ ఫుల్ అప్డేట్ అని హింట్ ఇచ్చారని చర్చించుకుంటున్నారు. ఏదేమైనప్పటికీ ఈ విషయం తెలుసుకున్న నితిన్ ఫ్యాన్స్ మాత్రం ఫుల్ ఖుషీ అవుతున్నారు.
