Kiran Abbavaram: కిరణ్ అబ్బవరం ‘క’ సినిమాకు సీక్వెల్ కాదు ప్రీక్వెల్ రాబోతుందని షాక్ ఇచ్చిన మేకర్స్.. వారంలో అనౌన్స్?
దిశ, వెబ్ డెస్క్ : కిరణ్ అబ్బవరం ‘క’ ( KA) మూవీతో పెద్ద హిట్ కొట్టాడు. ఈ సినిమా దీపావళి రోజున రిలీజ్ అయి మొదటి షో నుంచి అన్ని చోట్లా సక్సెస్ ఫుల్ గా రన్ అవుతుంది. కలెక్షన్స్ లో కూడా దూసుకెళ్తుంది. ఇప్పటికే " క " ( KA) మూవీ రెండు రోజుల్లో రూ. 13 కోట్లకు పైగా వసూలు చేసింది. దీంతో చిత్ర యూనిట్ టపాసులు పేలుస్తూ ఫుల్ హ్యాపీగా ఉన్నారు. ముఖ్యంగా, స్క్రీన్ ప్లే, ఇంత వరకు చూడని కొత్త క్లైమాక్స్ తో ప్రేక్షకులను ఇట్టే పడేసింది.
అయితే, క సినిమాకు సీక్వెల్ కూడా ఉంటుందని ప్రకటించారు. మూవీ ఎండింగ్ లో క2 టైటిల్ వేసి ఆడియెన్స్ ను ఆశ్చర్యపరిచారు. కథ అక్కడితో అయిపోయిందని చాలా మంది అనుకున్నారు కానీ, ఇక్కడే డైరెక్టర్స్ కొత్త ట్విస్ట్ ఇచ్చారు. క సినిమాలో క్రిష్ణగిరి ఊరు గురించి, ఆ ఊళ్ళో అమ్మవారు, ఆ అమ్మవారి అంశతో పుట్టిన ఆడపిల్లలు అని చూపించాము. అసలు ఇది ఎలా పుట్టింది, అక్కడ ఆచారాలు ఏంటనేది క2 లో ఫుల్ క్లారిటీగా తెరకెక్కిస్తాము. అంటే క సినిమాకు ప్రీక్వెల్ అని అన్నారు. దీంతో క2 ఎప్పుడు వస్తుందో అని చాలా మంది ఆసక్తిగా ఎదురుచూస్తున్నారు.
తాజాగా, నేడు క సక్సెస్ మీట్ లో హీరో కిరణ్ అబ్బవరం( Kiran Abbavaram) మాట్లాడుతూ.. క2 కూడా ఉంటుంది. వారం రోజుల్లో మా డైరెక్టర్స్ క2 సినిమా గురించి మీడియా ద్వారా అనౌన్స్ చేస్తారని తెలిపాడు. దీంతో కిరణ్ అభిమానులు, ఆడియెన్స్ ఫుల్ ఖుష్ అవుతున్నారు.
