కూతురితో కలిసి ఆ పని చేస్తున్న పవన్ కళ్యాణ్ హీరోయిన్.. ప్రశంసల వర్షం కురిపిస్తోన్న నెటిజన్లు
దిశ, సినిమా: అలనాటి స్టార్ హీరోయిన్ శ్రియ శరణ్ గురించి ప్రత్యేకంగా చెప్పాల్సిన పనిలేదు. అనేక సూపర్ హిట్ సినిమాల్లో నటించి మంచి గుర్తింపు సంపాదించుకున్నది. దాదాపు స్టార్ హీరోలందరి సరసన నటించి స్టార్ హీరోయిన్‌గా ఓ వెలుగు వెలిగింది. అలా కెరీర్ పీక్స్‌లో ఉన్నప్పుడే పెళ్లి చేసుకుంది. ఇక పాప పుట్టాక సినిమాలకు కొంత బ్రేక్ ఇచ్చింది. ప్రస్తుతం రీ ఎంట్రీ ఇచ్చి ప్రస్తుతం వరుస సినిమాలతో దూసుకుపోతోంది ఈ ముద్దుగుమ్మ.
అలాగే ఈ అమ్మడు నిత్యం సోషల్ మీడియాలోనూ యాక్టీవ్‌గా ఉంటూ తన వ్యక్తిగత విషయాలు, లేటెస్ట్ ఫొటోలు షేర్ చేస్తూ అభిమానులకు దగ్గరవుతూ ఉంటుంది. ఈ క్రమంలో ఈమె వీడియో ఒకటి సోషల్ మీడియాలో చక్కర్లు కొడుతోంది. తాజాగా ఓ వీడియోలో శ్రియ తన కూతురితో కలిసి పొలంలో వరి మార్పిడి పని చేస్తుంది. అలాగే వరి మార్పిడి ఎలా చేయాలో తన గారాల పట్టికి నేర్పిస్తుంది. ప్రస్తుతం దీనికి సంబంధించిన వీడియో నెట్టింట వైరల్ అవుతుంది. ఇక వీడియో చూసిన నెటిజన్లు పొగడ్తలతో ముంచేస్తున్నారు.
