సెక్సీ డ్రెస్‌లు ధరించే మహిలపై చిన్నచూపు వద్దంటున్న నటి!

దిశ, ఫీచర్స్ : 'సెక్సీ' క్లాత్స్ ధరిస్తే మహిళల క్యారెక్టర్‌ను జడ్జ్ చేసేస్తారా అని ఫైర్ అయింది బాలీవుడ్ నటి నీనా గుప్తా. పొట్టి డ్రెస్‌లు వేసుకుంటే చిన్నచూపు ఎందుకని ప్రశ్నించింది. ఈ మేరకు ఓ వీడియో రిలీజ్ చేసిన ఆమె.. 'సంస్కృతంలో ఎంఫిల్ చేశాను. జీవితంలో చాలా గొప్ప పనులు చేశాను. కానీ నేను వేసుకుంటున్న బట్టలు సెక్సీగా ఉండవచ్చు.

అలాగని క్యారెక్టర్ మంచిది కాదంటారా?. దుస్తులను బట్టి ఎవరినీ అంచనా వేయకూడదు. ఇకనైనా ఈ విషయంలో ట్రోలింగ్ మానేయండి.' అని చెప్పుకొచ్చింది. కాగా నీనా వీడియో పై నెటిజన్ల ప్రశంసలు కురిపించారు. యాక్ట్రెస్ కియారా అద్వానీ, తాహిరా కశ్యప్, అర్చన పురాణ్ సింగ్, సునీల్ గ్రోవర్ సహా చాలా మంది ఆమె పోస్ట్‌‌పై పాజిటివ్ కామెంట్స్ చేశారు.