బతుకమ్మకు ప్రపంచవ్యాప్తంగా గుర్తింపు రావడానికి కారణం ఆమె: ఎమ్మెల్యే షకీల్
దిశ, నవీపేట్: ఎమ్మెల్సీ, తెలంగాణ జాగృతి వ్యవస్థాపకులు కల్వకుంట్ల కవిత వల్లే బతుకమ్మకు ప్రపంచవ్యాప్తంగా గుర్తింపు వచ్చిందని బోధన్ ఎమ్మెల్యే షకీల్ అన్నారు. ఎమ్మెల్సీ కవిత జన్మదిన వేడుకలు మండలంలో ఘనంగా నిర్వహించారు. టీఆర్ఎస్ మండల అధ్యక్షులు మొవ్వ నాగేశ్వరరావు, జనరల్ సెక్రెటరీ ప్రవీణ్ ఆధ్వర్యంలో జరిగిన వేడుకల్లో ఎమ్మెల్యే షకీల్ పాల్గొని కేక్ కట్ చేశారు. ఈ సందర్భంగా వివిధ పార్టీల నాయకులు, యువకులు టీఆర్ఎస్ పార్టీలో పార్టీలో చేరారు.
విద్యార్థినీలకు సైకిళ్ళు పంపిణీ..
మండలంలోని పోతంగల్‌లో తెలంగాణ జాగృతి రాష్ట్ర ఉపాధ్యక్షులు రాజు సాగర్, కవిత బర్త్‌డే సందర్భంగా 4వ తరగతి నుండి ఇంటర్మీడియట్ వరకు చదువుతున్న పోతంగల్‌కు చెందిన బాలికలకు సైకిళ్లను పంపిణీ చేశారు. ఈ కార్యక్రమంలో జెడ్పీ చైర్మన్ దాదన్నగారి విఠల్, టీఆర్ఎస్ రాష్ట్ర నాయకులు ఆర్.రాంకిషన్ రావు, నవీపేట్ జెడ్పీటీసీ సవిత బుచ్చన్న, ఎంపీపీ శ్రీనివాస్, నవీపేట్ సర్పంచ్ అసోళ్ల శ్రీనివాస్, వివిధ గ్రామాల టీఆర్ఎస్ ప్రజాప్రతినిధులు, టీఆర్ఎస్ జిల్లా నాయకులు, తెలంగాణ జాగృతి జిల్లా, రాష్ట్ర నాయకులు, మండల టీఆర్ఎస్ నాయకులు పాల్గొన్నారు.
రక్తదాన కార్యక్రమం..
రెడ్ క్రాస్ మండల అధ్యక్షుడు మొయిజాద్దీన్ ఆధ్వర్యంలో కవిత జన్మదినం సందర్భంగా రక్త దాన కార్యక్రమం నిర్వహించారు. రక్త దాతలను ఎమ్మెల్యే షకీల్ అభినందించారు.
