Allu Arjun : బన్నీ అరెస్ట్.. విడుదలపై మంచు మనోజ్ ఇంట్రెస్టింగ్ ట్వీట్
దిశ, వెబ్ డెస్క్ : టాలీవుడ్ ప్రముఖ నటుడు అల్లు అర్జున్(Allu Arjun) అరెస్ట్.. విడుదలపై నటుడు మంచు మనోజ్(Manchu Manoj) ఇంట్రెస్టింగ్ ట్వీట్ చేశాడు. "దిష్టి మొత్తం పోయింది బాబాయ్.. వెల్ కమ్ బ్యాక్ అల్లు అర్జున్ గారూ.. క్లిష్ట సమయంలో మీరు కనబరిచిన వ్యవహారశైలిని మెచ్చుకోకుండా ఉండలేక పోతున్నాను. థియేటర్ ఘటన దురదృష్టకరం. బాధిత కుటుంబానికి మీరు ఇచ్చిన హామీ మీ వ్యక్తిత్వాన్ని తెలియజేస్తుంది. భద్రత ఎంత ముఖ్యమో మరోసారి గుర్తు చేసింది. మీ కుటుంబానికి శాంతి, సంతోషాలు కలగాలని కోరుకుంటున్నాను" అంటూ తన ఎక్స్(X) ఖాతా వేదికగా మనోజ్ ట్వీట్ చేశాడు. కాగా సంధ్య థియేటర్ (Sandhya Theatre) వద్ద పుష్ప-2 ప్రీమియిర్ షో(Pushpa-2 Premiere Show) సందర్భంగా జరిగిన తొక్కిసలాట కేసులో నటుడు అల్లు అర్జున్ ను నిన్న చిక్కడపల్లి పోలీసులు(Chikkadpally Police) అరెస్ట్ చేసిన విషయం తెలిసిందే. ఈ కేసులో నాంపల్లి కోర్టు (Nampally Court) బన్నీకి 14 రోజుల రిమాండ్ విధించగా.. చంచల్ గూడ జైలుకు తరలించారు. అప్పటికే అల్లు అర్జున్.. తనపై నమోదు చేసిన ఎఫ్ఐఆర్‌లు కొట్టి వేయాలని హైకోర్టు(High Court)లో క్వాష్ పిటిషన్‌(Quash Pitition)దాఖలు చేయగా.. పోలీసులు నమోదు చేసిన సెక్షన్లు అల్లు అర్జున్ కు వర్తించవని తెలిపిన కోర్ట్, మధ్యంతర బెయిల్ మంజూరు చేసింది. అయితే అప్పటికే బన్నీని పోలీసులు జైలు(ChanchalGuda Jail)కు తరలించగా.. విడుదల ప్రక్రియలో తీవ్ర జాప్యం జరిగి, నిన్న రాత్రి జైలులోనే ఉండాల్సి వచ్చింది. ఎట్టకేలకు నేటి ఉదయం విడుదలయ్యి ఇంటికి వచ్చాడు.
