Kangana Ranaut: 'ఎమర్జెన్సీ'లో ఇందిరా గాంధీ కుట్రలను బయటపెడతా : కంగన

దిశ, సినిమా : Kangana Ranaut to Play Indira Gandhi Role In Emergency Film| బాలీవుడ్ ఫైర్‌బ్రాండ్ కంగనా రనౌత్ తన కొత్త చిత్రం టైటిల్ ప్రకటించింది. సొంత నిర్మాణ సంస్థ 'మణికర్ణికా ఫిల్మ్స్' బ్యానర్‌లోనే ఈ సినిమా చేస్తున్నట్లు ఇప్పటికే ప్రకటించిన కంగన.. 'ఎమర్జెన్సీ' టైటిల్ ఫిక్స్ చేసినట్లు తెలిపింది. ఈ చిత్ర షూటింగ్ పూజా కార్యక్రమాలతో ఘనంగా ప్రారంభమైనట్లు సోషల్ మీడియా ద్వారా అభిమానులతో పంచుకుంది.

ఈ సందర్భంగా సంబంధిత ఫొటోలు కూడా షేర్ చేసింది. పొలిటికల్ పీరియాడికల్ డ్రామాగా తెరకెక్కనున్న చిత్రంలో కంగన ఇందిరా గాంధీ పాత్రలో కనిపించనుంది. 1977లో ఇందిర ప్రధానిగా ఉన్నప్పుడు ప్రకటించిన ఎమర్జెన్సీ ఎలాంటి పరిస్థితులకు దారితీసింది? దేశం ఎలాంటి సంక్షోభాన్ని ఎదుర్కొంది? తదితర అంశాలతో పాటు రాజకీయ కుట్రలను ఈ చిత్రంలో కళ్లకు కట్టినట్లు చూపించబోతున్నట్లు సమాచారం. ఇదిలా ఉంటే.. ఇటీవల తాను నటించిన రెండు చిత్రాలు బాక్సాఫీస్ వద్ద బోల్తా కొట్టిన సంగతి తెలిసిందే.