అంతా దోచేసిన దొంగ.. ఇంటికొచ్చిన యజమానికి షాక్
దిశ, పరిగి : దొంగకు చెప్పే లాభం అన్నారు వెనకటికి మన పెద్దలు.. కానీ ఈతరం దొంగలు దొంగతనానికి కాదేది అనర్హం అన్నట్లుగా ఉంది పరిగిలోని ఓ ఇంట్లో జరిగిన ఘటన. పరిగిలోని ఓ కొత్త ఇంట్లో ఏకంగా బోరు మోటారు పైకి తీసి మరీ ఎత్తుకెళ్లారు. అంతటితో ఆగకుండా మోటారు వైరు, బాత్రూంలోని ట్యాబ్స్, వాటర్ హీటర్, మ్యాన్‌హోల్ల డొర్‌లు ఎత్తుకెళ్లాడు. ఈ సంఘటన ఆలస్యంగా వెలుగులోకి వచ్చింది. బాధితుడు తెలిపిన వివరాల ప్రకారం.. పరిగి మున్సిపల్పరిధిలోని సాయిరాం కాలనీకి చెందిన ఆలూరి రాఘవెందర్ తన నూతన గృహానికి హోలీ పండుగ రోజు శుక్రవారం మధ్యాహ్నం వెళ్ళాడు.
గేటుకు వేసిన తాళం తెరిచి చూడగా ఇంటి మెయిన్డోర్ తాళం విరగ్గొట్టి ఉంది. వెంటనే ఇంట్లోకి వెళ్లి చూడగా ఇంట్లోని వంటగది, బాత్రూంలలో ఉన్న టాబ్స్, వాటర్ హీటర్, షవర్స్ ఎత్తుకెళ్లాడు. అంతటితో ఆగకుండా మ్యాన్‌హోల్స్ డోర్స్‌ను ఎత్తుకెళ్లారు. మరో పెద్ద మ్యాన్‌హోల్ ఓపెన్ చేయగా అందులో బోరు కనిపించింది. మోటారు పైప్ను పైకెత్తి చూడగా పైప్ పైకి వస్తూనే ఉంది. ఇలాగైతే కుదరదని పది అడుగులు పైకి ఎత్తి పైప్ను పక్కడ పడేవారు. ఇలా 485 మీటర్ల పైప్ను రెండు గంటలు దొంగలు శ్రమించి పైప్ను ముక్కలు ముక్కలుగా కోసి బోరు మోటారును పైకి తీశారు. ఎట్టకేలకు మోటారు పైకి వచ్చింది.
అమ్మో సీఆర్ఐ మోటార్ ఇంకేం 35 వేల పైమాటే అంటూ బోరు మోటారు, నల్లాలు, గ్లీజర్ బాక్స్, మ్యానుహోల్స్ అన్నీ మూట కట్టి ఎత్తుకెళ్లారు. వీటితోపాటు రిపేరింగ్ కోసం తెచ్చిన టైల్స్ ఇతర సామాగ్రి కూడా ఎత్తుకెళ్లినట్లు వీటన్నింటి విలువ లక్షకు పైగానే ఉంటుందని బాధితుడు ఆలూరి రాఘవెందర్ తెలిపారు. బోరు మోటారు పైప్ను కోయడం పక్కన పెట్టడం చూస్తుంటే ఒక్కరితో అయ్యే పని కాదంటూ తప్పనిసరిగా ఇద్దరు, లేదా ముగ్గురు దొంగలు వచ్చి ఉంటారని కాలనీ వాసులు బావిస్తున్నారు. ఈ విషయమై బాధితుడు పరిగి పోలీసులకు ఫిర్యాదు చేయనున్నామన్నాడు.
