Bigg Boss 8: లేడీ కంటెస్టెంట్‌పై ఫుల్ ఫైర్.. నాగార్జునకే ఛాలెంజ్ విసిరిన గౌతమ్
దిశ, వెబ్‌డెస్క్: రీసెంట్‌గా బిగ్‌బాస్ సీజన్-8 లో కంటెస్టెంట్లంతా బీబీ ఇంటికి దారేది అనే టాస్క్ ఆడారు. ఆటలో భాగంగానే అంతా క్షణికావేశంలో ఏం మాట్లాడారో వారికే అర్థం కాలేదు. మొత్తానికి ఈ ఛాలెంజ్‌లో అవినాష్ గెలుపొందాడు. మెగా చీఫ్ అయ్యాడు. ఈ ఆటలో చాలా మంది వారికి తెలియకుండానే తప్పులు చేయడంతో నాగ్ తాజాగా కంటెస్టెంట్లపై తీవ్ర ఆగ్రహం వ్యక్తం చేశారు. ముఖ్యంగా నిఖిల్, ప్రేరణ, గౌతమ్ పై ఫుల్ సీరియస్ అవ్వగా.. తిరిగి గౌతమ్.. నాగార్జునపై ఫైర్ అయ్యాడు. ముందుగా మాటలు జాగ్రత్తగా రావాలంటూ నాగార్జున ప్రేరణకు క్లాస్ ఇస్తుండగా.. మధ్యలో కల్పించుకున్న పావని.. ‘హ్యాట్ నామినేషన్స్ సమయంలో కూడా మేము మాట్లాడుతుంటే ప్రేరణ వచ్చి పో అంది’ అంటూ చెప్పుకొచ్చింది.
తర్వాత నిఖిల్ పానిపట్టు యుద్ధం టాస్క్ లో ఏం చేశాడో వీడియోలో చూపించారు. తర్వాత ఈ టాస్క్ లోనే గౌతమ్-నిఖిల్ మధ్య జరిగిన వివాదానికి సంబంధించిన వీడియో ప్లే చేశారు. వీడియో చూశాక ఏమన్నావ్ గౌతమ్ అని ప్రశ్నించగా.. ‘అవును కోపంలో ఎక్కువగా వాగాను. కానీ ఎలాంటి తప్పు పదాలు వాడలేదు’ అని గౌతమ్ సమాధానం ఇచ్చాడు. నాగ్ నమ్మకపోవడంతో మదర్ ప్రామిస్ వేసి తప్పు పదాలు వాడినట్లైతే నేను ఇప్పుడు బయటికి వెళ్లడానికి కూడా రెడీ అని నాగార్జునకే ఛాలెంజ్ విసిరాడు. తర్వాత గౌతమ్ తప్పేంటో తెలుసుకుని కాస్త ఎమోషనల్ అయ్యాడు. ప్రస్తుతం దీనికి సంబంధించిన ప్రోమో నెట్టింట ట్రెండింగ్ లో ఉంది.
