Amazon Prime: ప్రైమ్ మెంబర్‌లకు షాకిచ్చిన అమెజాన్

దిశ, వెబ్‌డెస్క్: ఈ కామర్స్ దిగ్గజం Amazon తన వినియోగదారులకు షాక్ ఇచ్చింది. ప్రపంచవ్యాప్తంగా తన మ్యూజిక్ స్ట్రీమింగ్ సర్వీస్ ధరలను పెంచుతున్నట్లు పేర్కొంది. ఈ పెంపుదల మే 5 నుంచి అమల్లోకి రానుంది. ప్రైమ్ సబ్‌స్క్రైబర్లు ఇక మీదట పెంచిన ధరలను చెల్లించాల్సి ఉంటుందని కంపెనీ తెలిపింది. Amazon Music సింగిల్-డివైస్ ప్లాన్‌కు $3.99 నుండి నెలకు $4.99 పెంచింది. అపరిమిత వ్యక్తిగత ప్లాన్ నెలకు $7.99 నుండి $8.99 లేదా సంవత్సర ప్లాన్‌ను $79 నుండి $89 వరకు పెంపుదలను కంపెనీ ప్రకటించింది. ప్రైమ్ మెంబర్ కానీ వారికి Amazon Music Unlimited ధర $9.99 వద్ద ఉంటుంది. Amazon Music, Tencent Music ప్రపంచవ్యాప్తంగా 13 శాతం మార్కెట్ వాటాతో మూడవ స్థానంలో ఉన్నాయి. Spotify 31 శాతం మార్కెట్ వాటా, Apple Music 15 శాతం వాటాను కలిగి ఉన్నాయి.