సినిమా షూటింగ్స్ బంద్

హైదరాబాద్: కరోనా విజృంభణ నేపథ్యంలో సోమవారం నుంచి తెలుగు సినిమా షూటింగ్‌లను బంద్ చేయాలని ఫిల్మ్ ఛాంబర్ నిర్ణయం తీసుకుంది. ఈ బంద్ ఈ నెల 21వరకు కొనసాగనుంది. షూటింగ్‌లలో ఉన్నవాళ్లంతా తిరిగి వచ్చేయాలని చిత్రయూనిట్లకు ఫిల్మ్ చాంబర్ ఇప్పటికే ఆదేశాలు జారీ చేసింది. కాగా, ఇప్పటికే రాష్ట్రంలోని సినిమా థియేటర్లను ఈ నెల 31వరకు మూసివేయాలని ప్రభుత్వం ఆదేశించిన విషయం తెలిసిందే.