బుల్లితెరలో విషాదం.. ప్రముఖ సీరియల్ నటి మృతి

దిశ, వెబ్‌డెస్క్: కోలీవుడ్‌ టీవీ ఇండస్ట్రీలో విషాదం చోటుచేసుకొంది. ప్రముఖ బుల్లితెర నటి ఉమామహేశ్వరి మృతిచెందింది. గతకొంతకాలంగా అనారోగ్యంతో బాధపడుతున్న ఆమె ఆదివారం ఉదయం చెన్నైలో తుదిశ్వాస విడిచారు. ఉమా మహేశ్వరి'మొట్టి ఒళి' సీరియల్‌ ద్వారా మంచి గుర్తింపు తెచ్చుకున్నారు. దీని తరువాత 'ఒరు కథైయిన్‌ కథై', 'మంజల్‌ మహిమై' వంటి సీరియల్స్‌లో ప్రధాన పాత్రలు పోషించి తమిళ టీవీ ప్రేక్షకులుకు, ఫ్యామిలీ ఆడియెన్స్‌కు దగ్గరైయారు. కొన్నేళ్ల క్రితం వెటర్నరీ డాక్టర్ ని పెళ్లి చేసుకున్న ఈమె పెళ్లి తరువాత నటనకు స్వస్తి పలికారు. కేవలం 40 ఏళ్ల చిరుప్రాయంలో ఆమె తుదిశ్వాస విడవడం బాధాకరమైన విషయం. ఆమె మరణ వార్త విన్న కోలీవుడ్ దిగ్బ్రాంతికి గురైంది. పలువురు సినీ ప్రముఖులు ఆమె మృతిపట్ల సంతాపం తెలుపుతున్నారు.