మా సత్తా ఏంటో MP ఎన్నికల్లో చూపిస్తాం: కేసీఆర్‌కు కిషన్ రెడ్డి కౌంటర్
దిశ, వెబ్‌డెస్క్: కరీంనగర్ జిల్లా పర్యటనలో భాగంగా బీఆర్ఎస్ అధినేత, మాజీ సీఎం కేసీఆర్ బీజేపీపై ఫైర్ అయ్యారు. తెలంగాణలో బీజేపీకి ముక్కు, మొఖం ఉందా.. అసలు అది ఒక పార్టీనా అని ఎద్దేవా చేసిన సంగతి తెలిసిందే. ఈ క్రమంలో కేసీఆర్ వ్యాఖ్యలపై కేంద్రమంత్రి, టీ బీజేపీ చీఫ్ కిషన్ రెడ్డి స్పందించారు. శనివారం హైదరాబాద్‌లో ఆయన మీడియాతో మాట్లాడుతూ కేసీఆర్ కామెంట్స్‌కు స్ట్రాంగ్ కౌంటర్ ఇచ్చారు. బీజేపీ ఎక్కడ ఉందన్న కేసీఆర్‌కు.. పార్లమెంట్ ఎన్నికల్లో మా సత్తా ఏంటో చూపిస్తామన్నారు. లోక్ సభ ఎన్నికల్లో తెలంగాణలో బీజేపీకి డబుల్ డిజిట్ సీట్లు వస్తాయని ధీమా వక్తం చేశారు. బీఆర్ఎస్ పార్టీకి డిపాజిట్లు వస్తాయో.. రావో చూసుకోండని ఎద్దేవా చేశారు. అసెంబ్లీ ఎన్నికల్లో కర్రుకాల్సి వాత పెట్టినా కేసీఆర్‌కు ఇంకా బుద్ధి రాలేదని ఫైర్ అయ్యారు. కేంద్రంలో బీజేపీ మూడవ సారి అధికారంలోకి వస్తుందని.. మోడీ మరోసారి ప్రధాని కావడం ఖాయమని ధీమా వ్యక్తం చేశారు.
