TET Syllabus: టెట్ సిలబస్ విడుదల చేసిన విద్యాశాఖ.. డౌన్‌లోడ్‌ లింక్ ఇదే..!
దిశ, వెబ్‌డెస్క్: తెలంగాణ(TG)లోని ప్రభుత్వ పాఠశాల(Govt Schools)ల్లో ఉపాధ్యాయ పోస్టుల అర్హతకు నిర్వహించే టీచర్ ఎలిజిబిలిటీ టెస్ట్(TET) నోటిఫికేషన్ ను నవంబర్ 7న రాష్ట్ర విద్యాశాఖ విడుదల చేసిన విషయం తెలిసిందే. టెట్ పరీక్షలను జనవరి 1 నుంచి 20 వరకు నిర్వహించనున్నారు. ఈ పరీక్షలను కంప్యూటర్ బేస్డ్ టెస్ట్(CBT) విధానంలో కండక్ట్ చేయనున్నారు. డిసెంబర్ 26వ తేదీ నుంచి హాల్‌టికెట్లు(Hall Tickets) డౌన్‌లోడ్‌ చేసుకునే అవకాశం ఉంటుంది. రోజుకు రెండు సెషన్ల(Two Sessions)లో పరీక్షలను నిర్వహించనున్నారు. ఉదయం 9 గంటల నుంచి 11:30 గంటల వరకు మొదటి సెషన్‌, మధ్యాహ్నం 2 గంటల నుంచి సాయంత్రం 4:30 గంటల వరకు రెండో సెషన్‌ పరీక్ష ఉంటుంది. ఇదిలా ఉంటే ఈ పరీక్షలకు సంబంధించిన సిలబస్(Syllabus)ను అధికారిక వెబ్‌సైట్ https://tgtet2024.aptonline.in/tgtet/Syllabusలో అందుబాటులో ఉంచారు. గత టెట్(TET)కు, తాజా టెట్ సిలబస్ కు ఎలాంటి మార్పులు లేవు. కాగా టెట్ పరీక్షకు మొత్తం 2,75,773 మంది దరఖాస్తు చేసుకోగా.. పేపర్-1కు 94,335 మంది, పేపర్-2కు 1,81,438 మంది అప్లై చేసుకున్నారు.
