ప్రభుత్వ పాఠశాలలో పారిశుద్ధ్యనికి ప్రత్యేక చర్యలు : కమిషనర్

దిశ, గండిపేట్ : బండ్లగూడ జాగీర్ మున్సిపల్ కార్పొరేషన్ పరిధిలో స్పెషల్ శానిటేషన్ డ్రైవ్ ను ప్రత్యేకంగా నిర్వహిస్తున్నట్లు కార్పొరేషన్ కమిషనర్ శరత్ చంద్ర వెల్లడించారు. శనివారం రంగారెడ్డి జిల్లా కలెక్టర్ ఆదేశాల మేరకు కార్పొరేషన్ పరిధిలోని రెండవ డివిజన్ గంధంగూడ లోని ప్రాథమిక పాఠశాల, 14 డివిజన్ ఇంద్రారెడ్డి నగర్ లోని ప్రభుత్వ ప్రాథమిక పాఠశాల, 16వ డివిజన్ లక్ష్మీ నగర్ కాలనీలోని జిల్లా పరిషత్ ఉన్నత పాఠశాలలోని పరిసరాల పరిశుభ్రత నిర్వహణ, స్టాగ్నెట్ వాటర్, మంచినీటి సరఫరా ఏర్పాట్లు రిపేర్లు పిచ్చి మొక్కల తొలగింపు, పారిశుధ్య కార్యక్రమాలను పరిశీలించారు. ఈ సందర్భంగా కమిషనర్ మాట్లాడుతూ.. రంగారెడ్డి జిల్లా కలెక్టర్ ఆదేశాలను అనుసరించి ఈ కార్యక్రమాన్ని నిర్వహించినట్లు వివరించారు. ప్రభుత్వ ఆదేశాలను అనుసరిస్తూ ఈ కార్యక్రమాన్ని పూర్తి చేస్తామని వివరించారు. ప్రభుత్వ పాఠశాలలు పిచ్చి మొక్కల పారిశుధ్యం పై ప్రత్యేక చొరవ తీసుకుంటామని వెల్లడించారు. ఈ కార్యక్రమంలో మున్సిపల్ సిబ్బంది తదితరులు పాల్గొన్నారు.