అభివృద్ధి చేస్తాం మరో అవకాశం ఇవ్వండి : కొప్పుల ప్రతిమా రెడ్డి

దిశ,పరిగి : పరిగి ఎమ్మెల్యేగా కొప్పుల మహేశ్ రెడ్డికి మరోసారి అవకాశం కల్పిస్తే మరింత అభివృద్ది చేస్తారని కొప్పుల ప్రతిమారెడ్డి ప్రచారం నిర్వహించారు. పరిగి మున్సిపల్​ పరిధిలోని 14 వ వార్డులో శనివారం ప్రచారం చేశారు. ఈ సందర్భంగా ఇంటింటికి తిరిగి బీఆర్ఎస్​ పార్టీ చేపట్టిన సంక్షేమ పథకాలు గురించి చర్చించారు. మీ ఇంటికి కూడా సంక్షేమం అందిందా అంటూ తెలుసుకున్నారు. మరోసారి అవకాశం ఇవ్వాలని కోరుతూ కారు గుర్తుకే ఓటు వేయాలని ఓటర్లను అభ్యర్థించారు. ఈ ప్రచార కార్యక్రమంలో లక్ష్మీ, అనూష, మంజుల తదితరులు పాల్గొన్నారు. ఎమ్మెల్యే కొప్పుల మహేశ్​ రెడ్డి కూడా మున్సిపల్​ పరిధిలోని పలువార్డుల్లో ప్రచారం చేశారు.