రోడ్డుపైనే చెత్త డంపింగ్…దుర్గంధం వెదజల్లుతున్న పరిసరాలు

దిశ, మాడ్గుల : మాడ్గుల మండల కేంద్రంలోని జూనియర్ కాలేజీ ఎదుట రోడ్డుపైనే చెత్త డంపింగ్ చేస్తుండడంతో పరిసరాలు దుర్ఘంధం గా మారి కళాశాల విద్యార్థులు తీవ్ర ఇబ్బందులకు గురవుతున్నట్లు తెలిపారు. మండల కేంద్రంలో డంపింగ్ యార్డ్ ఉన్నప్పటికీ చెత్తను డంపింగ్ యార్డ్ కు తరలించకుండా రోడ్డుపైనే డంపింగ్ చేస్తున్నారని వారు పేర్కొన్నారు. ప్రత్యేక అధికారుల పాలనలో గ్రామంలో పారిశుధ్య వ్యవస్థ అధ్వానంగా మారిందని అన్నారు. ఇప్పటికైనా సంబంధిత అధికారులు స్పందించి రోడ్డు పైనే వేస్తున్న చెత్తను డంపింగ్ యార్డ్ కు తరలించి తమ ఇబ్బందులను తొలగించాలని కోరుతున్నారు.