Pranit Rao: సూచనల మేరకే ట్యాపింగ్ చేశా.. ఇంతకన్నా ఏమీ చెప్పలేను
దిశ, తెలంగాణ క్రైం బ్యూరో: నాకు అందిన సూచనల మేరకే ఫోన్లు ట్యాపింగ్చేశా.. ఇంతకన్నా ఏమీ చెప్పలేను. కస్టడీలో మొదటి రోజు సస్పెండెడ్డీఎస్పీ ప్రణీత్రావు విచారణ బృందం అడిగిన ప్రశ్నలకు చెప్పిన సమాధానాలివి. విశ్వసనీయ వర్గాల ద్వారా తెలిసిన సమాచారం ప్రకారం ఫోన్లను ట్యాపింగ్చేసినట్టు అంగీకరించిన ప్రణీత్రావు ఈ వ్యవహారం వెనక ఎవరెవరు ఉన్నారన్న దానిపై మాత్రం పెదవి విప్పలేదని తెలిసింది. కొన్ని ఆధారాలను ముందు పెట్టి సూటిగా అడిగిన ప్రశ్నలకు సైతం ప్రణీత్రావు పెద్దగా జవాబులు ఇవ్వలేదని సమాచారం. సంచలనం సృష్టించిన ఫోన్ట్యాపింగ్వ్యవహారంలో ఎస్ఐబీలో డీఎస్పీగా పని చేసిన ప్రణీత్రావును ఈనెల 13న పంజగుట్ట పోలీసులు అరెస్టు చేసిన విషయం తెలిసిందే.
ఆ తరువాత ఈ కేసు విచారణను జూబ్లీహిల్స్ ఏసీపీ వెంకటగిరి నేతృత్వంలోని ప్రత్యేక విచారణ బృందానికి అప్పగించారు. ఈ క్రమంలో ఫోన్ట్యాపింగ్వ్యవహారానికి సంబంధించి మరిన్ని వివరాలను సేకరించాల్సి ఉన్నందున ప్రణీత్రావును కస్టడీకి అనుమతించాలని కోరుతూ.. అధికారులు నాంపల్లి కోర్టులో పిటీషన్దాఖలు చేశారు. దీనిపై విచారణ జరిపిన కోర్టు ప్రణీత్రావును వారం రోజులపాటు కస్టడీకి అనుమతిస్తూ శనివారం ఉత్తర్వులు జారీ చేసింది. ఈ నేపథ్యంలో ఆదివారం ప్రత్యేక విచారణ బృందం చెంచల్గూడ జైలుకు వెళ్లి ప్రణీత్రావును కస్టడీలోకి తీసుకుంది. ఉస్మానియా ఆసుపత్రిలో వైద్య పరీక్షలు జరిపించిన అనంతరం ప్రణీత్రావును తమతోపాటు తీసుకెళ్లిన విచారణ బృందం అతన్ని ప్రశ్నించింది.
అసెంబ్లీ ఎన్నికలకు ముందు ప్రస్తుత ముఖ్యమంత్రి రేవంత్రెడ్డితోపాటు కాంగ్రెస్, బీజేపీ పార్టీల్లోని పలువురు కీలక నేతల ఫోన్లను ప్రణీత్రావు ట్యాప్చేసి ఎప్పటికప్పుడు వివరాలను బీఆర్ఎస్లోని కొందరు కీలక నాయకులకు అందచేసినట్టుగా ఆరోపణలు ఉన్న విషయం తెలిసిందే. ఆదివారం అదుపులోకి తీసుకున్న తరువాత ప్రత్యేక విచారణ బృందం ఈ కోణంలోనే ప్రణీత్రావును ప్రశ్నించినట్టుగా సమాచారం. ఎవరి సూచనల మేరకు, ఎవరెవరి ఫోన్లు ట్యాపింగ్చేశారు, ఎవరెవరికి సమాచారాన్ని అందించారు అన్న దానిపై ప్రశ్నల వర్షం కురిపించినట్టుగా తెలిసింది. అయితే, ప్రణీత్రావు ఈ ప్రశ్నలకు పెద్దగా సమాధానాలు చెప్పలేదని తెలియవచ్చింది. పై అధికారుల నుంచి అందిన సూచనల మేరకే తాను ఫోన్లను ట్యాప్చేసినట్టు సమాధానమిచ్చినట్టు తెలిసింది. ట్యాపింగ్లో వెల్లడైన వివరాలను తనకు సూచనలు చేసిన అధికారులకు పంపించానని చెప్పినట్టుగా సమాచారం.
ఆధారాల ధ్వంసంపై ఆరా..
ఇదిలా ఉండగా డిసెంబర్4న ప్రణీత్రావు ఎస్ఐబీ కార్యాలయంలో తనకు కేటాయించుకున్న రెండు గదుల్లోని 17 కంప్యూటర్లలోని డేటాను పూర్తిగా ఎరేజ్చేయటంతోపాటు కొన్ని హార్డ్డిస్కులను ధ్వంసం చేసిన విషయం తెలిసిందే. దీనిపై కూడా ప్రత్యేక విచారణ బృందం అతన్ని ప్రశ్నించినట్టుగా తెలిసింది. ఎవరి సూచనల మేరకు ఈ పని చేశారన్న ప్రశ్నకు ప్రణీత్రావు పెద్దగా జవాబులు ఇవ్వలేదని సమాచారం. అసెంబ్లీ ఎన్నికల సమయంలో బీఆర్ఎస్ పార్టీలోని కీలక నేత ఎర్రబెల్లి దయాకర్రావు పోటీ చేసిన పాలకుర్తి నియోజకవర్గంలో ప్రత్యేకంగా వార్రూం ఏర్పాటు చేసి ఫోన్లను ట్యాప్ చేసినట్టుగా ఉన్న అనుమానాలపై ప్రశ్నించినపుడు కూడా ప్రణీత్రావు మౌనంగానే ఉండిపోయినట్టు తెలియవచ్చింది. ఏయే నియోజకవర్గాల్లో వార్రూంలు ఏర్పాటు చేశారన్న ప్రశ్నకు కూడా సమాధానమివ్వలేదని సమాచారం.
వరంగల్కు చెందిన ఇద్దరు సీఐల పాత్ర..?
ఇదిలా ఉండగా సంచలనం సృష్టించిన ఫోన్ ట్యాపింగ్ వ్యవహారంలో వరంగల్కు చెందిన ఇద్దరు సీఐల పాత్ర కూడా ఉన్నట్టుగా విశ్వసనీయ వర్గాల ద్వారా తెలిసింది. ప్రస్తుతం ఈ ఇద్దరు సీఐలు వరంగల్అర్భన్లో విధులు నిర్వర్తిస్తున్నట్టు సమాచారం. ఈ మేరకు ప్రత్యేక విచారణ బృందానికి కొన్ని ఆధారాలు కూడా దొరికినట్టుగా తెలిసింది. ఇప్పటికే ఫోన్ ట్యాపింగుల వ్యవహారంలో ప్రణీత్రావుకు దాదాపు 30మంది సిబ్బంది సహకరించినట్టుగా విచారణ బృందం గుర్తించినట్టు సమాచారం. వీరందరికీ సీఆర్పీసీ 41 సెక్షన్ ప్రకారం నోటీసులు ఇచ్చి విచారణ జరపాలని ఉన్నతాధికారులు నిర్ణయించినట్టుగా తెలిసింది. వీరితోపాటు తాజాగా వెలుగులోకి వచ్చిన వరంగల్సీఐలను సైతం ప్రశ్నించాలని అధికారులు భావిస్తున్నట్టుగా తెలియవచ్చింది.
