కానిస్టేబుల్ అభ్యర్థులకు అలర్ట్.. నేటినుంచే ఫిజికల్ ఈవెంట్స్

దిశ, తెలంగాణ బ్యూరో: రాష్ట్రంలోని పోలీసు నియామకాల భర్తీలో భాగంగా కోర్టు ద్వారా క్వాలిఫై అయిన ఎస్ఐ, కానిస్టేబుల్‌ అభ్యర్థులకు దేహదారుఢ్య పరీక్షలు నేటి (ఫిబ్రవరి 15) నుంచి ప్రారంభమవుతున్నాయి. ఇటీవల హైకోర్టు ఉత్తర్వుల మేరకు ప్రిలిమ్స్‌ పరీక్షలో అదనంగా మార్కులు కలపడంతో క్వాలిఫై అయిన అభ్యర్థులకు, అదేవిధంగా ఇదివరకే దేహదారుడ్య పరీక్షలో ఎత్తులో ఒక సెంటీమీటర్‌, అంతకంటే తక్కువ హైట్‌తో డిస్ క్వాలిఫై అయిన అభ్యర్థుకు మరోసారి ఫిజికల్ ఈవెంట్స్‌లో పాల్గొనే ఆవకాశం నియామక మండలి బోర్డు కల్పించిన విషయం తెలిసిందే.

దీంట్లో భాగంగానే క్వాలిఫైడ్ అభ్యర్థులు పార్ట్-2 అప్లై చేసి అడ్మిట్ కార్డు పొందినవారు ఈ ఫిజికల్ ఈవెంట్స్‌లో పాల్గొంటారు. రాష్ట్ర వ్యాప్తంగా 7 కేంద్రాల్లో ఫిజికల్‌ ఈవెంట్స్‌ నిర్వహించనున్నారు. హైదరాబాద్‌, సైబరాబాద్‌, వరంగల్‌, కరీంనగర్‌, మహబూబ్‌నగర్‌, నల్లగొండ, ఆదిలాబాద్‌ జిల్లాల్లో దేహదారుడ్య పరీక్షలు నిర్వహిస్తున్నారు. హైట్ చెకింగ్ అభ్యర్థులకు హైదరాబాద్‌లోని అంబర్‌పేట్, కొండపూర్ పొలీస్ గ్రౌండ్స్‌లో రీమెజర్మెంట్స్ నిర్వహించనున్నారు.

ఇవి కూడా చదవండి : TS: విద్యార్థులకు అలర్ట్.. నేటి నుంచే ఎగ్జామ్స్