రోడ్డు ప్రమాదంలో యువకుడి మృతి

దిశ, ఆర్మూర్ : ఆర్మూర్ మున్సిపల్ పట్టణ శివారులో పిప్రి రోడ్డులో స్కూటీ, బైక్ లు ఎదురెదురుగా ఢీకొన్నాయి. ఈ ప్రమాదంలో బైక్ పై ఉన్న రాచూరి రాకేష్ అక్కడికక్కడే మృతి చెందాడు. వివరాలు ఇలా ఉన్నాయి. పిప్రి గ్రామం నుంచి ఆర్మూర్ పట్టణ కేంద్రం వైపు బాబు అనే వ్యక్తి స్కూటీని అజాగ్రత్తగా నడుపుతూ..ఎదురుగా బైక్ పై వస్తున్న రాచూరి రాకేష్ ను పట్టణ కేంద్ర శివారులో ఢీకొట్టాడు. దీంతో రాచూరి రాకేష్ అక్కడికక్కడే మృతి చెందాడు. రోడ్డు ప్రమాద సంఘటన తెలుసుకొని సంఘటనా స్థలాన్ని ఆర్మూర్ ఎస్ హెచ్ ఓత్యనారాయణ గౌడ్, ఏఎస్ఐ లక్ష్మణ్ లు పరిశీలించారు. రాకేష్ మృతదేహాన్ని పోస్టుమార్టం నిమిత్తం ఆర్మూర్లోని ప్రభుత్వ ఆసుపత్రికి తరలించారు. మృతుడి బంధువుల, సన్నిహితుల ఫిర్యాదు మేరకు కేసు నమోదు చేసి..దర్యాప్తును ప్రారంభించినట్లు ఆర్మూర్ ఎస్ హెచ్ ఓ సత్యనారాయణ గౌడ్ తెలిపారు.