నకిరేకల్ మున్సిపాలిటీనీ రోల్డ్ మోడల్‌గా మారుస్తా

దిశ, నకిరేకల్ టౌన్: నకిరేకల్ మున్సిపాలిటీ రాష్ట్రంలోనే ఒక రోల్డ్ మోడల్‌గా మారుస్తానని ఎమ్మెల్యే వేముల వీరేశం హామీ ఇచ్చారు. మున్సిపాలిటీ కార్యాలయంలో నిర్వహించిన 2024 - 2025 బడ్జెట్ ప్రత్యేక సమావేశంలో పాల్గొని మాట్లాడారు. రూ. 32 కోట్ల బడ్జెట్‌తో నకిరేకల్ పట్టణ పురవీధులను సర్వాంగ సుందరంగా మారుస్తామన్నారు. ఎక్కడ ఎటువంటి సమస్యలు లేకుండా ప్రతి సమస్యను సొంత సమస్యగా చూడాలని కౌన్సిలర్లకు సూచించారు. ప్రతి ఒక్కరూ తమ వార్డుల్లో పర్యటించి సమస్యలను గుర్తించాలని తెలిపారు. వేసవి దృష్ట్యా నీటి ఎద్దడి లేకుండా ముందే జాగ్రత్తలు తీసుకోవాలన్నారు. ఈ కార్యక్రమంలో మున్సిపల్ కమిషనర్ బాలయ్య, చైర్మన్ రాచకొండ శ్రీను, వైస్ చైర్మన్ మురారి శెట్టి ఉమారాణి, కౌన్సిలర్లు, తదితరులు పాల్గొన్నారు.