పాఠశాలలను ఆకస్మిక తనిఖీ చేసిన కలెక్టర్

దిశ,మాడుగులపల్లి : మాడుగులపల్లి మండలంలోని కుక్కడం గ్రామంలోని కస్తూర్బా గాంధీ పాఠశాలను శుక్రవారం జిల్లా కలెక్టర్ ఇలా త్రిపాఠి ఆకస్మికంగా తనిఖీ చేశారు. వంట సరుకులు కూరగాయలను పరిశీలించి శుచీ,శుభ్రత తప్పనిసరిగా పాటించాలని తెలిపారు.విద్యా బోధన,భోజన వివరాలను విద్యార్థులను అడిగి తెలుసుకున్నారు.ఈ సందర్భంగా కలెక్టర్ మాట్లాడుతూ..విద్యార్థులకు నాణ్యమైన భోజనాన్ని అందించాలని భోజన నిర్వాహకులకు సూచించారు. అదేవిధంగా మండల కేంద్రంలో ఉన్నటువంటి ప్రభుత్వ భూమిని పరిశీలించి, తాసిల్దార్ కార్యాలయం,మండల పరిషత్ కార్యాలయాల భవనాలకు కేటాయించిన స్థలాలను పరిశీలించారు.ఈ కార్యక్రమంలో మండల తాసిల్దార్ పద్మ,ఎం.పీ.డీ.వో తిరుమల స్వామి,ఎంఈఓ వెంకటమ్మ, పాఠశాల ఎస్ ఓ వసంత,ఆర్ఐ రేణుక,ప్రభుత్వ అధికారులు ఉపాధ్యాయులు,తదితరులు పాల్గొన్నారు.