టీ-కాంగ్రెస్‌ ఇన్‌చార్జితో ఎంపీ కోమటిరెడ్డి భేటీ

దిశ, వెబ్‌డెస్క్: తెలంగాణ కాంగ్రెస్ వ్యవహారాల ఇన్‌చార్జి మాణిక్ రావు థాక్రేతో కాంగ్రెస్ కీలక నేత, భువనగిరి ఎంపీ కోమటిరెడ్డి వెంకట్ రెడ్డి భేటీ అయ్యారు. హైదరాబాద్‌ ఎమ్మెల్యే క్వార్టర్స్‌లోని క్యాంపు కార్యాలయంలో సమావేశమయ్యారు. కాగా, మునుగోడు ఉప ఎన్నిక నుంచి టీ-కాంగ్రెస్‌ కార్యక్రమాలకు కోమటిరెడ్డి దూరంగా ఉంటున్న విషయం తెలిసిందే. అంతేగాక, సమయం వచ్చినప్పుడల్లా టీపీసీసీ చీఫ్ రేవంత్ రెడ్డిపై విమర్శలు చేస్తూనే ఉన్నారు. ఈ భేటీపై కోమటిరెడ్డితో రేవంత్‌తో ఉన్న విభేదాలు, సమస్యలపై కీలకంగా చర్చించే అవకాశం ఉన్నట్లు తెలుస్తోంది.