ప్రొటోకాల్​ ఉల్లంఘనలపై స్పీకర్ ను కలిసిన ఎమ్మెల్యే మాధవరం కృష్ణారావు

దిశ, కూకట్​పల్లి : కూకట్​పల్లి నియోజకవర్గంలో ప్రొటోకాల్​ ఉల్లంఘనలపై ఎమ్మెల్యే మాధవరం కృష్ణారావు అసెంబ్లీ స్పీకర్​ గడ్డం ప్రసాద్​ను శనివారం కలిసి ఫిర్యాదు చేశారు. ఈ సందర్భంగా ఎమ్మెల్యే మాధవరం కృష్ణారావు మాట్లాడుతూ ప్రజల మద్దతు, ఆశీర్వాదంతో నియోజకవర్గంలో మూడు సార్లు భారీ మెజారిటీతో గెలవడం జరిగిందని, తనను గెలిపించిన ప్రజల సమస్యలు పరిష్కరించేందుకు పని చేస్తుంటే కొంత మంది అధికారులు

ప్రొటోకాల్​ ఉల్లంఘిస్తూ పనులు చేయకుండా పబ్బం గడుపుతున్నారని అన్నారు. ప్రభుత్వం చేపట్టే పనులు, కర్యక్రమాల్లో భాగస్వామ్యం అవుతూ నియోజకవర్గ అభివృద్ధికి పాటు పడుతుంటే ప్రభుత్వ అధికారులు స్పందించడం లేదని అన్నారు. స్పీకర్ గడ్డం ప్రసాద్​ స్పందిస్తూ వెంటనే ప్రొటోకాల్​ సంబంధించిన విభాగాల ఉన్నతాధికారులతో మాట్లాడి శాసనసభ్యుడి హక్కులకు భంగం కలిగించే విధంగా వ్యవహరించే అధికారులపై చర్యలు తీసుకోవాలని ఆదేశించినట్టు ఎమ్మెల్యే తెలిపారు.