కాంగ్రెస్ కార్యాలయం వద్ద హై టెన్షన్!

దిశ, మేడిపల్లి : మేడ్చల్ జిల్లా మేడిపల్లి మండలం బోడుప్పల్ కాంగ్రెస్ పార్టీ కార్యాలయం వద్ద పరిస్థితి ఊద్రిక్తంగా మారింది. గతంలో బోడుప్పల్ పలు అభివృద్ది కార్యక్రమాల శంకుస్థాపనకు విచ్చేసిన మంత్రి కాంగ్రెస్ నాయకులను ఉద్దేశించి కార్యక్రమాన్ని అడ్డుకుంటే జైల్లో పెడతామని కామెంట్ చేశారు. దీంతో బోడుప్పల్ కాంగ్రెస్ పార్టీ కార్యాలయం వద్దకు కార్యకర్తలు నాయకులు భారీగా చేరుకోవడంతో పరిస్థితి ఉద్రిక్తంగా మారింది. మల్లారెడ్డిని అడ్డుకోవడానికి వెళ్లాలని భావించిన కాంగ్రెస్ నాయకులను పోలీసులు పార్టీ ఆఫీస్ కార్యాలయం వద్ద నిర్భందించారు. ఈ సందర్భంగా మంత్రి సీనియర్ సిటిజన్స్ విశ్రాంతి భవన శంకుస్థాపన చేశారు. ఆపై కాంగ్రెస్ నాయకులు పలువురు మంత్రి పై మండిపడ్డారు. ఈ కార్యక్రమంలో బోడుప్పల్ సీనియర్ కాంగ్రెస్ నాయకులు, కాంగ్రెస్ కార్పొరేటర్‌లు, కార్యకర్తలు పాల్గొన్నారు.