సునీత రెడ్డి విజయం పై వెల్దుర్తిలో సంబురాలు

దిశ, వెల్దుర్తి : నర్సాపూర్ ఎమ్మెల్యేగా బీఆర్ఎస్ అభ్యర్థి సునీత రెడ్డి 9167 ఓట్ల మెజార్టీతో విజయం సాధించడంతో ఆదివారం వెల్దుర్తిలో బీఆర్ఎస్ పార్టీ నాయకులు సంబరాలు చేసుకున్నారు. స్థానిక బస్టాండ్ అంబేద్కర్ చౌరస్తాలలో భారి బాణసంచాలు పేలుస్తూ విజయానికి చిహ్నంగా రంగులు చల్లుకొని మిఠాయిలు పంచిపెట్టి విజయోత్సవ ర్యాలీని నిర్వహించారు. బీఆర్ఎస్ పార్టీ చేసిన అభివృద్ధి కార్యక్రమాలే సునీత రెడ్డి ఎమ్మెల్యేగా గెలిపించాయన్నారు. ఈ కార్యక్రమంలో ఎంపీటీసీ మోహన్ రెడ్డి నాయకులు శ్రీనివాస్ రెడ్డి, శ్రీనివాస్ గౌడ్, గంగాధర్ కర్రే, వెంకటేశం, శ్రీధర్ రెడ్డి యాదగిరి గౌడ్ పార్టీ నాయకులు కార్యకర్తలు పాల్గొన్నారు.