చెరుకు తోట దగ్ధం…కాలి బూడిదైన ఎకరం చెరుకు

దిశ,ఝరాసంగం : సంగారెడ్డి జిల్లా ఝరాసంగం మండలంలోని బర్దిపూర్ గ్రామ శివారులోని సర్వే నంబర్ 122 గల కోట హేమలత అనే రైతుకు చెందిన ఎకరా చెరుకు తోట ప్రమాదవశాత్తు నిప్పు అంటుకొని కాలి బూడిదైంది. చెరుకు తోట తో పాటు డ్రిప్పు పరికరాలు సైతం కాలిపోయాయి. సుమారుగా రూ. 2 లక్షల పంట నష్టం జరిగిందని గ్రామస్తులు తెలిపారు. ఆరుగాలం కష్టపడి చేతికొచ్చిన పంట నష్టపోవడంతో రైతు హేమలత కన్నీటి పర్యంతమయ్యారు. విషయం తెలుసుకున్న జహీరాబాద్ అగ్నిమాపక సిబ్బంది ఘటనా స్థలానికి చేరుకొని మంటలను అదుపు చేసిన ఫలితం దక్కలేదు. నష్టపోయిన రైతుకు ప్రభుత్వం ఆదుకోవాలని గ్రామస్తులు ప్రభుత్వానికి విజ్ఞప్తి చేశారు.