ప్రాణాలు తీస్తున్న వీధి కుక్కలు..

దిశ,చిలిపి చెడ్ : వీధి కుక్కలు గ్రామాల్లో వీరంగం సృష్టిస్తున్నాయి. మనుషులు, పశువులు, అనే తేడా లేకుండా విరుచుకు పడి దాడి చేసి గాయపరుస్తున్నాయి. చిలిపి చెడ్ మండలంలోని సొమ్మకపేట గ్రామంలో శనివారం నాడు వీధి కుక్కలు గొర్రెల మంద పై దాడి చేయగా 13 గోర్లు కాస్త మృతి చెందాయి. సోమక్క పేట గ్రామానికి చెందిన శేరి అర్జున్ గొర్రెలు మేపుతూ జీవనాన్ని కొనసాగిస్తున్నాడు. ఈ తరుణంలో వీధి కుక్కలు కాస్త అతని జీవనంలో ప్రాణ సంకటం గా మారాయి. జీవనాధారమైన గొర్రెలపై వీధి కుక్కలు దాడి చేశాయని రైతు బోరున విలపించాడు. సంబంధిత అధికారులు స్పందించి వీధి కుక్కలను బంధించే విధంగా చర్యలు చేపట్టాలని ఆయన కోరారు. సుమారు మృతి చెందిన గొర్ల విలువ రూ.1,70,000/- వరకు ఉంటుందని, అంచనా వేశారు. దీంతో నష్టం వాటిల్లిందని ప్రభుత్వం తమను ఆదుకోవాలని అధికారులను కోరారు.