ఈనెల 25న పీజీ కోర్సులకు స్పాట్ అడ్మిషన్లు

దిశ, గజ్వేల్ రూరల్ : గజ్వేల్ బాలుర విద్యాసౌధంలోని ప్రభుత్వ డిగ్రీ కళాశాల (Co-Ed) లో పీజీ కోర్సులకు ఈనెల 25వ తేదీన స్పాట్ అడ్మిషన్లు నిర్వహిస్తున్నట్లు కళాశాల ప్రిన్సిపాల్ డాక్టర్ నిఖత్ అంజుమ్ ఒక ప్రకటనలో తెలిపారు. కళాశాలలో ఎం.ఏ తెలుగు, ఎం.ఏ. ఎకనామిక్స్, ఎం.కామ్ సబ్జెక్టులలో స్పాట్ అడ్మిషన్లను నిర్వహించడం జరుగుతుందన్నారు. 55% మార్కులతో డిగ్రీ పాసైన విద్యార్థులు ప్రవేశానికి అర్హులని ఆసక్తిగల విద్యార్థులు తమ ఒరిజినల్ సర్టిఫికేట్స్, రెండు సెట్ల జిరాక్స్ కాపీలను, మూడు ఫోటోలతో ఈ నెల 25న కళాశాలలో ఉదయం 10 గంటలకు హాజరు కావాలని తెలియజేశారు.