వేదపాఠశాల విద్యార్థి అదృశ్యం…జనగామలో ప్రత్యక్షం

దిశ, కొమురవెల్లి : కొమురవెల్లి మల్లికార్జున స్వామి దేవస్థానం నాకు అనుబంధ గా ఉన్న వేద పాఠశాలలో తాత్కాలిక పద్ధతిలో విద్యను అభ్యసిస్తున్న విద్యార్థులు కనబడకుండా పోయిన సంఘటన కొమురవెల్లి లోని వేద పాఠశాలలో గురువారం చోటుచేసుకుంది. స్థానికులు, పోలీసులు తెలిపిన వివరాల ప్రకారం.. చేర్యాల మండలంలోని వీరన్న పేట గ్రామానికి చెందిన ఓంనమశివయ అనే వేద పాఠశాలలో చదువుతున్న విద్యార్థి గురువారం కనబడకుండా పోవడంతో వేద పాఠశాల ఉపాధ్యాయులు వీరేశలింగం తల్లిదండ్రులకు సమాచారం అందించారు. దీంతో బాలుడి తల్లిదండ్రులు కొమురవెల్లి పోలీస్ స్టేషన్ లో ఫిర్యాదు చేశారు. ఈ మేరకు కొమురవెల్లి ఎస్ఐ రాజు గౌడ్ విచారణ చేపట్టగా బాలుడు జనగామ పట్టణంలో ఉన్నట్లు గుర్తించి, బాలుడిని పట్టుకొని తల్లిదండ్రులకు అప్పగించారు.