అంబేద్కర్ ఆశయ సాధన కోసం కృషి చేయాలి: ఎమ్మెల్యే మదన్ రెడ్డి, రాష్ట్ర మహిళా కమిషన్ చైర్ పర్సన్ సునీతారెడ్డి

దిశ, నర్సాపూర్: రాజ్యాంగ నిర్మాత డాక్టర్ బాబా సాహెబ్ అంబేద్కర్ ఆశసాధన కోసం ప్రతి ఒక్కరూ కృషి చేయాలని నర్సాపూర్ ఎమ్మెల్యే మదన్ రెడ్డి రాష్ట్ర మహిళా కమిషన్ చైర్పర్సన్ సునీతా రెడ్డిలో అన్నారు. శుక్రవారం పట్టణంలో అంబేద్కర్ జయంతిని పురస్కరించుకొని స్థానిక చిల్డ్రన్ పార్క్ లో గల అంబేద్కర్ విగ్రహానికి పూలమాలలు వేసి నివాళులర్పించారు. ఈ సందర్భంగా వారు మాట్లాడుతూ సీఎం కేసీఆర్ చరిత్రలో నిలిచిపోయే విధంగా 125 అడుగుల కాంస్య విగ్రహాన్ని హైదరాబాద్ నగరంలో ఏర్పాటు చేయడం అభినందనీయమన్నారు.

అదేవిధంగా నూతనంగా నిర్మించబోయే సచివాలయానికి అంబేద్కర్ పేరు పెట్టడం సంతోషకరమన్నారు. అంబేద్కర్ స్ఫూర్తితో ముందుకు సాగాలని ఇందు కోసం ప్రతి ఒక్కరూ కృషి చేయాలని కోరారు. అంబేద్కర్ జయంతిని పురస్కరించుకొని కాంగ్రెస్, బీజేపీ, టీడీపీ ఆయా దళిత సంఘాల నాయకులు అంబేద్కర్ విగ్రహానికి పూలమాలేసి ఘనంగా నివాళులర్పించారు. ఈ కార్యక్రమంలో ఆయా పార్టీల నాయకులు పెద్ద సంఖ్యలో పాల్గొన్నారు.