అల్లుడు, కూతురు సహాయంతో భర్తను హతమార్చిన భార్య

దిశ, తూప్రాన్: కూతురు, అల్లుడి సహాయంతో భార్య భర్తను హతమార్చింది. సీఐ ఆర్. కృష్ణ తెలిపిన వివరాల ప్రకారం తూప్రాన్ డబుల్ బెడ్ రూంలో నివాసం ఉంటున్న హాజిపాష కూతురును మాటలతో మానసికంగా వేధించడం గొడవపడటం, కొట్టడం తప్ప తాగి కింద పడగా అతని భార్య సైదా బేగం, కూతురు మేహక్ బేగం, అల్లుడు పాషలు ఫిబ్రవరి 12వ తేదీన ముగ్గురు కలిసి నైలాన్ త్రాడుతో మెడకు కట్టి పైకి లాగి ఆత్మహత్యగా చిత్రీకరించారు. కాగా ఈ సంఘటన కేసు నమోదు చేసి పూర్వాపరాలు విచారించిగా హత్య చేసింది భార్య సైదా బేగం, కూతురు మెహక్ బేగం, అల్లుడు పాషా గుర్తించారు. పోలీసులు విచారించగా తామే హత్య చేశామని ఒప్పుకోవడంతో ముగ్గురు నిందితులను గురువారం అరెస్ట్ చేసి రిమాండ్‌కు తరలించినట్లు తూప్రాన్ సీఐ ఆర్.కృష్ణ తెలిపారు. కేసును ఛేదించిన ఎస్ఐ శివానంద బృందాన్ని అభినందించారు.