షాదీ ముబారక్ కోసం లంచం తీసుకుంటున్న అధికారి! (వీడియో)
దిశ, అచ్చంపేట: రెవెన్యూ కార్యాలయాలు అంటేనే అవినీతికి నిలయాలని చాలా సందర్భాలలో విమర్శలు వెళ్లి వెత్తుతున్నాయి. ఈ నేపథ్యంలో నాగర్ కర్నూల్ జిల్లా అమ్రాబాద్ తహశీల్దార్ కార్యాలయంలో ఫైల్ ముందుకు కదలాలంటే తప్పక చేతులు తడపాల్సిందేనని, అందుకు నిదర్శనం గురువారం మండల రెవెన్యూ ఇన్స్పెక్టర్ గా పని చేస్తున్న బలరాం షాద్ ముబారక్ ఫైల్ ను క్లియర్ చేయడానికి సంబంధిత వ్యక్తుల దగ్గర నుండి డబ్బులు తీసుకుంటున్న విషయంపై శుక్రవారం సోషల్ మీడియాలో హల్చల్ చేస్తోంది.
పై విషయంపై మండలంలో మరియు నియోజకవర్గంలో సామాజిక మాధ్యమాలలో వైరల్ అవుతున్న తీరు పలువురు చర్చించుకునేలా కనిపించింది. ఈ విషయంపై బాల రామ్ ను దిశ ఫోన్ ద్వారా వివరణ కోరగా వ్యక్తిగతంగా తనను ఇబ్బందుల పాలు చేయడానికి కొంతమంది కుట్రతో ఈ విధంగా ప్రచారం చేస్తున్నారని అన్నారు. సోషల్ మీడియాలో వచ్చిన వీడియోపై వివరణ కోరగా ఆయన సమాధానాన్ని దాటవేశారు.
