కొత్వాల్ మరిన్ని ఉన్నత పదవులను అధిరోహించాలి

దిశ ప్రతినిధి, మహబూబ్ నగర్: నిస్వార్థపరుడు, క్రమశిక్షణ గల నాయకుడు, కాంగ్రెస్ పార్టీ సీనియర్ లీడర్ ఒబెదుల్లా కొత్వాల్ మరిన్ని ఉన్నత పదవులను అధిరోహించాలని మహబూబ్ నగర్ ఎమ్మెల్యే యెన్నం శ్రీనివాస్ రెడ్డి అన్నారు. గురువారం హైదరాబాద్ హజ్ హౌస్ లో ఒబెదుల్లా కొత్వాల్ రాష్ట్ర మైనారిటీ ఫైనాన్స్ కార్పొరేషన్ చైర్మన్‌గా బాధ్యతలు స్వీకరించిన సందర్భంగా ఆయన హాజరై మాట్లాడారు. కొత్వాల్ పేద మైనారిటీ వర్గాలను ఆదుకుని, మైనార్టీ సంక్షేమానికి పాటుపడతారని కొనియాడారు. కొత్వాల్ మాట్లాడుతూ… మైనార్టీ ఫైనాన్స్ కమిషన్ చైర్మన్ పదవి రావడంతో రాష్ట్రంలో మహబూబ్ నగర్ గౌరవం పెరిగిందని, చైర్మన్ పదవికి వన్నె తెచ్చే విధంగా పని చేస్తానని, నమ్మిన వారికి కాంగ్రెస్ పార్టీ అండగా నిలుస్తుందని, అందుకు నిదర్శనం తానేనని ఆయన అన్నారు. ఈ కార్యక్రమంలో సీడబ్ల్యూసీ ప్రత్యేక ఆహ్వానితుడు వంశీచంద్ రెడ్డి, వినోద్ కుమార్, మున్సిపల్ చైర్మన్ ఆనంద్ గౌడ్, వైస్ చైర్మన్ షబ్బీర్ అహ్మద్, లక్ష్మణ్ యాదవ్, అవేజ్, సునీల్, ఇమ్రాన్, సల్మాన్, తహెర్ తదితరులు పాల్గొన్నారు.